林盛斌Bob初见大女男友成个人㷫晒　特别叮嘱入房玩︰记得开门㖞

撰文： 许育民
出版：更新：

由黑哥姜皓文监制及主演的贺岁片《哈哈哈新年喜戏》，昨晚（4/2）举行首映礼，一众演员包括姜皓文、Dada陈静、李璨琛及阿Bob林盛斌都有出席。Dada在戏中跟黑哥会有火辣演出，不过全程都获太太殷宁批准，事后更嫌老公演得不及Dada放。

由黑哥姜皓文监制及主演的电影《哈哈哈新年喜戏》举行首映，戏中演员李璨琛、陈静及林盛斌都有出席。（叶志明　摄）

日前Bob在社交平台出post，爆16岁大女霏霏新年期间带男朋友来拜年，今次是阿Bob首次见囡囡男友︰“开心嘅，连我啲朋友见到都话佢几乖，几靓仔，仲几高，我都觉得几好。佢又好识体面，带了妈妈亲手造的手工果酱来拜年。所以到我个女第二日过去拜年时，我就叫佢带晒我出嘅捞面、鲍鱼呀过去，连我老婆都话我好畀呢啲嘢人。”

日前Bob在社交平台出post，爆16岁大女霏霏新年期间带男朋友来拜年。（林盛斌IG图片）

阿Bob都觉得已经16岁女，拍拖都好正常，不过始终系第一次见囡囡男友，坦言都会紧张大“𠮶刻成个人㷫晒，肾上腺素标升。”在旁的李璨琛立即追问︰“有冇由上到下打量下佢，你条𡃁仔！”阿Bob都笑言只是礼貌地交谈一下︰“最紧要正正经经，乖乖地，唔好做埋啲古灵精怪嘢，我话你哋去玩啦，最紧要，记得开门㖞！”引得全场大笑。

阿Bob笑言有叮嘱女儿，最紧要正正经经，乖乖地，同埋入房玩嘅时候，最紧要开门！引得全场大笑。（叶志明　摄）
阿Bob仲反问Dada 16岁时有冇闩门。（叶志明　摄）

同样有个女的李璨琛，听完都似有感慨，笑言惊唔到咁多︰“个女幼稚园中班，已经话有几个男仔钟意佢，啲男仔坐校车时专登坐埋去，又拖阿女只手，有日又话个男仔专登坐佢后面，踢佢张凳引佢注意，我心谂呢啲计仔我都要小学先识，而家幼稚园已经系咁。”问到琛仔将来个女带男朋友返屋企，又会点应对。“都系𠮶句啦，唔好闩门！”