临时决斗︱古天乐自爆戴帽造型有乾坤 将创新谢票：讲出嚟人哋抄
2025年香港贺岁片《临时决斗》，由麦启光执导，古天乐、梁咏琪、王丹妮、周秀娜、胡子彤、张文杰、陈湛文及虾头杨诗敏等主演，电影今日（18日）在澳门举行全球首映礼，一众主演前往澳门新濠影汇出席盛会，并与港澳影迷粉丝见面！
主演《临时决斗》的古天乐及梁咏琪，于首映礼前接受传媒访问，古天乐率先预告将会在正式上映后新年期间马拉松式谢票，希望能与观众多见面，更笑言打算突破目前谢票模式、大搞新意思：“我哋谂紧谢票可唔可以有啲新意，讲咗人哋会抄㗎！我觉得谢票嘅空间唔好入到嚟问几个问题、影张大合照就走，谂咗几个方案、睇下戏院方面嘅配合。”古天乐被问到新年会否以应节打扮示人，笑言：“痴线！财神Look？好在我圣诞冇见到大家，清明大家约下食饭呀！”
早前《临时决斗》幕后花絮中，古天乐要在剧情泰拳训练期间狠挞王丹妮，古天乐表示无法锡住王丹妮：“拍咗一两个take，因为系放手等佢挞落地，冇得就住、控制唔到地心吸力嘛！”亲身目击过程的梁咏琪则表示：“见到佢挞王丹妮𠮶下，我都呆一呆！不过表现到大家好专业，宁愿一take好真、好坚，唔驶再嚟多个。”Gigi续指自己的戏份并未侧重于对打：“我有俾胡子彤打！后尾都有打返佢！但我自己个角色主要唔系打𠮶方面，反而系喺心态方面。”
《临时决斗》释出预告及剧照后，不少观众网民留意古天乐的角色钟磊几乎全程戴帽，对帽内乾坤感到好奇，古天乐笑言：“其实帽里面呢——系有啲头发喺到嘅！系咪我唔讲你唔知呢！纯粹系造型嚟啫！”而胡子彤在预告里的粉红热裤亦相当吸睛，古天乐连忙开玩笑：“咁比较深色、所以著返啲粉红色！”梁咏琪亦笑言：“佢好似Barbie里面嘅阿Ken！”
早前金像奖第一轮投票片目中，古天乐位列《九龙城寨之围城》男配角之栏目下，唯独林峰一人列于男主角行列，古天乐表示为自己的意愿：“首先《九龙城寨之围城》系讲传承，唔系我想、系直头好想由佢攞影帝！当然系我嘅意愿啦！唔好一套戏有两个人争，咁样安排会好啲。”
近日电影市道屡传下滑消息，古天乐亦于电视节目中分享开戏甚难、需要政府多加支持。古天乐受访时更详尽分享三项建议救市方案：“第一，政府每一年都有资助额度，我觉得可以多返啲。第二，除咗首部剧情片嘅新导演，我觉得可以同电影公司倾，放宽资助限制，可以开多啲戏。第三，投资嘅金额可以再调整。”至于各电影公司未上映的新作，例如由古天乐主演、外界期待已久的《谁变走了大佛》可能趁机会推出炒热市况，古天乐表示当然希望上映：“呢样要睇档期、排片，有时同一个档期唔想撞到啲西片，要睇个排片量系点。”