祥赌必赢｜朱栢康演Oppa自比宋仲基　Stanley力证︰阿Sa当佢男神

2025蛇年贺岁电影《祥赌必赢》，昨日（8/1）举行宣传活动。戏中几位主角蔡卓妍、张继聪、朱栢康、邱士缙及吴家忻（Kayan9896）都有出席。早前被网民发现原来做过芬兰电影男主角的朱栢康，原来该片已是7、8年前作品，拍摄期间更接到《金都》导演黄绮琳邀请演出，过程非常奇妙。

来到《祥赌必赢》，今次朱栢康要饰演一个中韩混血儿，访问时朱康表示无难度︰“扮Oppa冇难度，因为我走开靓仔路线，但碍于今次扮Oppa有很多化妆，虽然我靓仔但系都有皮肤湿疹，呢个系最难挑战，忍住啲湿疹唔好畀佢爆晒出嚟。”

问到今次要扮韩国人，演出时可有一个蓝本借镜，朱康自称都专程看了不少韩国电影，从而去扮韩国人的演绎。Stanley此时玩埋一份，话朱康演绎上似宋康昊，而Kayan9896就吹捧到似宋仲基，而朱康亦不客气称︰“我觉得我个样好过宋仲基。”

其实当海报一出，朱康都有不少朋友致电或DM自己︰“问张海报搞乜？搞到我咁样，我话唔好话人啦，只系我角色个妆系要咁。”而Stanley更爆出朱康的俊俏，是吸引到阿Sa真系当佢男神︰“仲话想介绍朱康畀Joey姐姐识呀！”