误判|甄子丹片场狂爆粗片流出 两位大哥客串一样执到正
由甄子丹主演及执导的律政电影《误判》,正在上画。电影早前在网上发布一条长达50多分钟的制作特辑,有别过往的花絮片段,今次是无遮无掩的全纪录,展现一众演员最真一面。而表现最真的相信是甄子丹本人,全片有不少爆粗画面,不单会责骂一班剧组手足,甚至两位客串的大哥吕良伟同郑浩南都惨被质。到底电影公司点解会发布一条表现咁真嘅影片,背后原因又系咩?
连环爆粗幕幕黑面
在这条制作特辑中,可以话见到甄子丹最真性情一面,将他在片场上认真的态度,火爆的性格表露无遗。其中最易触动甄子丹的,是制作流程缓慢︰“而家三点喇(凌晨),唔该你哋快啲呀,唔系今日拍唔晒你哋就大X镬!”、“如果我话再嚟,就唔使再睇Play Back,因为你而家系嘥紧好多时间”、“将啲咁简单嘅嘢,又复杂佢,讲几廿万次又要排过晒!”幕幕都黑口黑面,场面僵持。
另一爆得最多粗口系甄子丹跟吴镇宇对戏,呢场戏目的系要激起戏中吴镇宇团火,但因为剧本张力未够,于是二人在场即度即试,结果度出一场吴镇宇挑战“叶问”。“最好睇就系吴镇宇突然走埋嚟,X你老X,你好X好打呀?只揪!然后佢系对紧甄子丹,观众睇到会笑。”
吕良伟郑浩南都冇面畀
除了剧组人员,客串的演员都受到甄生的高压挑战,例如有一场有吕良伟与郑浩南客串,但因为二人演出未够出彩,冇为角色带来惊喜,甄生都不禁动气︰“究竟吕哥今次会点演,客串一日两日咁短,畀观众有啲惊喜吖 !你都系(指向郑浩南)点样可以畀观众惊喜,我唔想大家嚟到好似……虽然系帮手,我唔想大家嚟到围威喂咁,我揾你哋嚟,系希望你哋出彩!”虽然吕哥与子丹份属老友,但在片场上一样无面畀。
希望大家珍惜机会
艺人向来要赞形像,但点解官方会推出呢条制作特辑呢?片中有一段甄子丹跟剧组人员训话,忆述自己由3000蚊月薪挨到今时今日,当中充满好多机会畀大家去实习,但眼前所见香港电影已经没落,冇乜机会再拍大制作,所以希望剧组所有人珍惜。甄子丹︰“其实而家甄生已经唔多理,我已经收X晒火,因为年纪大,我都唔系好想X人,因为自己都伤身……香港电影已经没落,后继无人,好难得有部大制作畀大家实习,畀机会去试,我们好嬲大家冇去珍惜。”
睇到最后,更见甄生在煞科当晚的一番对话,大家听埋会有所领会。甄子丹︰“我知道喺我严厉的催促下已经好辛苦,心里好可能日日闹紧我……以后你会谂番起,甄生X你老X,咁X仆街,日日喺度闹我,但我都希望喺有啲唔好嘅回忆,都谂番起,原来当初甄生都系想大家好,我相信呢部戏之后,大家都会提升咗一啲谂法或者创作空间。”