东京电影节｜洪金宝评《九龙城寨》非一朝得志　四字形容已故元奎

撰文： 陈颖思
出版：更新：

“大哥大”洪金宝近日现身东京电影节多个活动，包括与仓田保昭及谷垣健治一同出席座谈会，以及主讲大师班。《香港01》于东京直击并专访大哥大，谈及有份参演的《九龙城寨之围城》能否挽回港产动作片的劣势，又分享跟早前传出离世的师弟元奎相处。

大哥大表示第一次参与东京电影节，期待感受粉丝的反应。（陈颖思　摄）

早前大哥大受访曾表示“以前啲嘢拍唔返，最好嘅时间已经过咗”，问他对于《九龙城寨》的成功，会否挽回一点信心，他摇摇说：“唔系一朝得志，呢部戏所有人嘅努力，同埋血、同埋汗，系无可否认嘅，同埋支持者、费用，都系好难得，（算唔算系虚火？）佢又唔系虚火，佢系好劲嘅火，但呢坛火可以维持几耐？唔知”。

问大哥大睇好哪位动作片电影人，他立刻说：“洪金宝啰”，说自己还有一团“暗火”。（陈颖思　摄）

近年谢票文化大行其道，问大哥大是否认同这种做法，他表示：“谢票系而家兴嘅问题，一定要跟返，人哋兴你唔去做？好似食一个餐，人哋一定有个甜品，你唔畀人哋咪唔嚟啰，谢票系一种习惯，你成日畀观众有种习惯，观众又喜欢，你都要继续落去”，万一连谢票都无法吸引观众？“咪谷都面青青啰，冇得讲嘅，电影风气一路都喺度变，你要去捉摸佢”。

大哥大笑说年轻时都没怎么得奖，反而现在拿不少，不过都是终身成就奖。（陈颖思　摄）

早前成龙在微博透露元奎离世的消息，跟大哥大谈起他半开玩笑说：“佢系咪走咗我未知，因为佢冇同我讲过”，回忆跟师弟相处，大哥大给对方赞不绝口：“我同佢细个喺学校都好多嘢讲，后来拍电影佢都帮到我好多，呢个人系老老实实，你叫佢做咩，佢一定帮系做得到，而且做得好好，从来唔会偷鸡，从来唔会同你计较，亦都系一个好好嘅导演，好好嘅人”