杜琪峰会坚持做鲜浪潮 直言《九龙城寨》唔好睇︰搬去北角拍都得
香港导演杜琪峰，早前接受BBC News中文访问，不失其敢言作风。当中提及对于一手一脚凑大，致力培养新导演的鲜浪潮计划，被政府抽起经费影响举办规模，杜琪峰坦言早在5、6年前已料到会发生。对于时下新导演喜欢拍人文题材，关心社会议题，他直言可以是其中一个种类，但水平未够好，“似《狮子山下》”。而提到今年大收一亿票房、由郑保瑞执导的《九龙城寨之围城》，杜Sir都不留情地说︰“拍得好，但对我嚟讲唔好睇。”
“有冇鲜浪潮唔系最重要，有冇希望先系最重要”
提到鲜浪潮不再获政府基金资助，要另寻金主，杜Sir坦言早在5、6年前已预料会发生：“完咪完啰，何必纠缠，但睇番鲜浪潮十数年来对电影业的确好大帮助，业界对这班小朋友都好支持。如果我话唔做，即是判这条路死刑，带出讯息唔好。”
而另一个短片比赛ifva，早前同样失去资助停办，杜Sir指是政府对人民冇信心的表现︰“对人民冇信心，对社会冇信心，一直是受欢迎的东西，cut佢做咩呢？应cut嘅又唔cut，放下烟花就当社会好繁荣，呃边个呀大佬？阿婆都呃唔到啦！所以当艺术完全政治化，是好伤的。”所以鲜浪潮能撑下去便撑︰“点都要顶住，让大家仲有个希望。有冇鲜浪潮唔系最重要，有冇希望先系最重要。”
新导演作似《狮子山下》
对于香港电影未来，杜Sir不得不承认会难行，尤其在创作空间上的限制。“不完全是电检问题，但都有影响。有啲嘢准讲，有啲嘢唔准讲已经有问题啦，韩国有冇吖？日本有冇吖？台湾有冇吖？其实我可以拍不同类型的电影，问题系自己拍电影嘅心情，你会觉得周遭的事会影响你，要你切身感受到就会明。”
当下的杜Sir，步伐放缓，好几年未见有新作，但他不建议年轻导演效法自己︰“送审就送审，咩条件OK就去做，你要争取机遇和机会，否则进步唔到，唔可以学我，我拍咗咁多部电影，当下休息下好，反思又好，但你要到入去先会知道（规则），要聪明啲去应付身边环境。”
对于新世代导演，杜Sir一直有留意，对于近年新导演作品皆以人文关怀为主，关心社会伦理，杜Sir都不抗拒，但觉得有不少进步空间。“今日的港产片重生活描写，电影的幻想细了，呢啲系咪港产片呢？当其时（自己的年代）并不是，当时系叫做港台制作，《狮子山下》，系咪唔啱？又唔系完全不对，但香港电影最精彩系咩？肯定唔系呢样……你又去唔到人家探讨的质量及阔度。”
《九龙城寨》去北角拍都一样？
论受欢迎程度，今年一部《九龙城寨之围城》大收一亿，而导演更是跟过杜Sir拍下《意外》及《车手》的郑保瑞。“年轻导演都是走卡通漫画向，对人与人之间的感觉愈来愈差，以前衰衰地会讲下情义。我好喜欢（郑）保瑞导演，佢部《九龙城寨》（九龙城寨之围城），入戏院睇系抵到烂，𠮶100蚊（戏票），但对我嚟讲唔好睇，但我有赞佢拍得好。”
拍得好，但又唔好睇，到底问题在哪里？“佢部戏如果改为发生在《杀破狼》（世界）咪一样，要个城寨做咩呢？搬去北角都得㗎！佢哋谂嘢唔同，因为戏剧基础，电影理念不同，会走向多技术性，如果少少文学性，又好伦理，冇乜新意。”
最后，杜Sir强调创作电影要有良心，要得到共鸣，对于有移民外地的导演，声言要在当地筹集资金拍“港产片”，杜Sir认为不用强调“港产”二字︰“咩系港产片先？制地唔喺香港仲系咪港产片……只可以讲Hong Kong Style的电影……唔使包装到咁爱香港嘅，拍一部属于香港人的电影，唔好有太多嘢粉饰自己。”一针见血的意见，值得细味。