台湾地震｜朱栢康睡梦中震醒以为冇事　朋友致电先知大件事

今早（3／4）台湾花莲发生7.3级地震，是自1999年“921大地震”后，台湾25年来最强烈地震，身在台湾拍摄电影的朱栢康（朱康）都因为地震从睡梦中惊醒，他就即时录音向外界报平安。

朱康回应时表示自己喺台湾经历咗一次，人生遇过最大嘅地震。“我都系喺睡梦中被震醒、摇醒。醒咗时候仲喺度谂，地震㖞，台湾有地震都正常，跟住继续瞓喺床上面，完全无任何行动。直到地震一直都无走过（余震），我先开始惊，觉得要起身，著返条裤，喺度谂点做，系咪要走出街，定匿喺台底，然后地震停咗。”

震完之后，朱康就陆续收到台湾朋友短讯及电话，问有无事，“才知道今次地震原来咁强劲，佢哋自己都好惊。”朱康事后亦有走到户外，指市面状况暂时一切正常，他希望地震并无造成太大伤害，愿当地朋友及市民平安。