港铁挤逼被撞　港女拍片公审逼道歉：唔似真心　后续更狂反被围攻

港铁人多挤迫被撞到，竟然拍片公审？有港女于讨论区上载影片，指日前乘搭港铁时，被一对情侣“一直推，挂住揽嚟揽去”，她叫对方不要再推，男方却回应“地铁系咁迫㗎啦”，未有道歉。而从影片见到，港女正逼问男方，男方道歉，惟港女指男方并非真心道歉，未有收手继续狙击。
公审影片引来网民争议，有人认同“某啲情侣系特别烦，特别钟意转姿势揽嚟揽去，明明㗎车都好逼，成日碰碰撞撞整到人”。但有更多网民“围攻”楼主，“人多就自然逼㗎啦，人哋都say sorry妳就话人无心讲，欠咗你咩家阵”、“唔逼得就去搭的士嘛”、“个男人真系惨”。楼主回应时反呛：“我系钟意摆佢上网！道歉有用，要警察做咩？”

该港女于连登讨论区以“X嘢返屋企啦，喺地铁撞撞撞做咩”为题发文，指日前乘搭港铁时延误3分钟，其间一对情侣“一直推，挂住揽嚟揽去”，她感到不满，叫对方不要再推，却被反讽，“条仔寸XX咁话地铁系咁逼㗎啦”。楼主表示，港铁逼是正常，“但唔系俾你系咁推。讲声sorry唔得，系要一直依依哦哦继续讲”，又称“你条女都唔好意思唔敢出声，仲要即刻走埋，咁你都唔知自己X咗？”。

从楼主上载1分钟影片见到，她把镜头对准戴眼钟的男方逼问，“做咩惊啫！你做错嘢咩？做咩咁惊俾人录？吓？”。眼镜男保持微笑问“有咩帮到妳啊？”，楼主直指“无㖞，有咩帮到我？无问题㗎，你好寸㗎嘛头先，系咁喺度讲讲讲讲讲㗎嘛，推到人又唔讲sorry吖嘛”。

眼镜男闻言表示“咁如果真系推到妳，同妳讲声对唔住啰”，惟楼主指“好啊。你个样唔似系有心讲（对唔住）啰”。眼镜男唯有再说“唔好意思”，而楼主把镜头转向疑似眼镜男女伴，“仲有个女仔呢，头先唔系话只手摆去边好啊，成个港女咁嘅咩，喂！”。

这时眼镜男回应“其实港铁逼呢就无人想……”，然而港女反轰“逼呢就正常嘅，但你唔使咁样推我啰，攞住两个书包”。眼镜男解释是无心之失，但楼主仍咄咄逼人，“头先喺九龙湾站系停咗㗎，停咗成1分钟㗎，我都唔明你逼乜嘢。你要出去咩？你要落车咩？要上车咩？你都上咗嚟啦”。

讨论无果，眼镜男表示“无问题，你钟意影系ok嘅，畀妳影嘅”，楼主则反呛“咁头先咁惊做咩？即刻避开（镜头）”。

公审影片引来网民争议。有网民认同“迫系冇问题架，但唔系系咁推埋嚟”、“公道讲，某啲情侣系特别烦特别钟意转姿势揽嚟揽去，明明架车都好逼，成日碰碰撞撞整到人”。但有更多网民批评楼主，“人多就自然逼㗎啦，人哋都say sorry，你就话人无心讲，欠咗妳咩家阵，使唔使跪低斟茶先够诚意”、“谂住自己拎住个镜头就一定系啱𠮶个，唔逼得就去搭的士嘛”、“睇完觉得拍片者似泼妇骂街多啲”、“净系见到拍片条女系咁咄咄逼人”、“楼主把声X到，叫人道歉，人哋道咗又话人唔系真心”、“人哋都道咗歉，息事宁人啦”、“个男人真系惨”。

面对网民“围攻”，楼主留言霸气反呛：“我系钟意摆佢上网，我有自由嘅？道歉有用，要警察做咩？”