学校圣诞联欢会要准备食物　争报菠萝肠仔　网民呻：又搞着家长！

近日不少学校都举行圣诞联欢会，让同学开心玩一天，惟因不少学校都要求同学负责带食物分享，令家长网民大叹要晨早准备好，且怕会浪费食物，最惨是款式是不能重复，结果报食物名单时犹如竞赛，个个争住整肠仔菠萝或啫喱，报迟一点都要谂爆头，不禁大呻“又搞着父母！”。

网上讨论区“亲子王国”近日有家长开帖，提到“圣诞联欢又搅著的(啲)家长”引起热论，楼主指校方要求学生自制熟食带回校与同学分享，惟“我仔都未煮过嘢，又不知买咩，又话不能同其他同学重复”，因而大感烦恼。

有网民深有同感，“我早两日睇迟咗WhatsApp, 家长群接龙填整咩，最易嘅菠萝肠仔、咖哩鱼蛋、曲奇比人填咗”，为准备食物大感压力。

斗快ＷhatsApp接龙报食物压力大

不少家长网民都有同样困扰，有人指“保温亦系一大问题，处理得唔好如果滋生细菌就一镬熟”，有人则指小朋友晨早要返学，“搅到我半夜要起身整食物”，亦有人呻辛苦一轮结果只浪费食物，“试过好用心机整咗啲熟食俾小朋友拎返去，点知个个挂住玩冇乜食浪费晒。”

有精明家长分享心得，直指薯片、肠仔菠萝、啫喱是不二之选，又教路可以“去小食店买，例如10粒烧卖，买够4份，有40粒，入落锡纸兜，可以keep到温度”，“唔想整野食嘅同学可以负责买饮品或者买薯片类”，有家长点出关键，“联欢会个个都恨食垃圾(食物)，千祈唔好咁畀心机搅fancy嘢，盏激亲，最紧要易安排易带又畅销。”

撑场家长赞是童年回忆

不过也有不少家长享受为子女准备学校派对食物的过程，大赞是很好的亲子活动和童年回忆，有人苦劝父母们以正面角度去睇，“如果你有咁嘅‘搞著’心态，以后几年会好难挨，亲子系咁㗎啦，咁负面想法，个小朋友都会feel到 ”，不过大部分家长都同意，如果可以叫到会，就会少很多烦恼了。