80岁港伯沉迷按摩女　卖居屋$208万疑被骗光　上《东张》变罗生门

是骗案还是有隐情？1名80岁姜姓老伯向《东张西望》求助，称自己卖出黄大仙1个居屋单位套现208万元，却被1名34岁按摩女郎“小玉”骗光，2名儿子亦与他断绝关系。然而《东张西望》找到“小玉”回应迎来大逆转变“罗生门”，双方更透过电话爆发“寒战”式骂战，揭开更多惊人内情。
事件引来网民热议，认为难分谁对谁错；也有网民认为2人都有问题，“唔抵可怜”。

“小玉，呢笔钱系我生活养老金，希望你畀返啲钱我。”《东张西望》日前报道，80岁姜伯有2个儿子，本来儿子给他的家用加上政府“生果金”老人津贴等，每月有15,000元生活费，但之后儿子因为不满意他常花钱找女人按摩，与他断绝关系“闩水喉”，“主要使费系按摩，可能（儿子）知道我咁钟意去揾女人按摩，咁走咗返去”。无办法下，姜伯去年卖出黄大仙1个居屋单位，套现208万元维持生活费用，

姜伯称，2年前认识34岁按摩女郎“小玉”，“小玉”更以姑丈称呼他状甚亲暱，而得知他卖楼套现获得208万元，“小玉”声称为免他挥霍花光，叫他分批把208万存款放在她的保险箱，“佢（小玉）叫我分批将208万拎出嚟，放喺佢屋企保险箱。佢帮我保管仲好，可以细水长流……我可能太方便，好容易使晒”。姜伯又说，本来去年8月开始，小玉帮他交屋租并每月给他6,000元生活费，但到今年10月全部停下，“我WhatsApp佢（小玉），5号畀我到家下，食粥水都唔够啊，我1个仙都无……佢系1个见钱开眼𠮶种。呢个女人真系，好难追啊𠮶笔钱”。

小玉反驳称被“屈”

不过《东张西望》翻查姜伯手机，未见2人对话内容讯息，未知是否被删除。“小玉”回复《东张西望》时则透露另1版本，指自己因卖人参粉认识姜伯，见姜伯1个人住无人照顾感到可怜，于是把姜伯当亲人般照顾，“接触咗之后先知道，佢同佢啲仔女已经断绝关系。我真系当佢好似阿爷咁照顾佢。我完全无谂到，个心咁毒，咁样过嚟反面，反咬我话我呃佢钱。佢直情屈我话佢有200万摆我呢度。吓，我都唔知道你几时有摆我呢度呢？”。

小玉承认多次陪同姜伯到银行提款，称第1次姜伯取走20万元现金，当中7万元是还款给她，其余是还款给其他朋友和生活费，“每1次都系攞10万，有2次系20万。每1次我同佢去攞钱，佢攞5万走，有5万摆我呢度，跟住过几日又过嚟攞，攞完无喇㖞，又要去银行攞钱。啲钱畀晒你用晒喇，我无办法，我无钱喇，你都无钱袋喺我度，跟住佢就开始反面，佢就话‘你唔畀钱我，我无钱买𩠌食饭。我年纪咁大，到时晕低我报警，我就同警察讲，你呃我200万养老金’”。小玉更反指姜伯不时透过电话与不同女性联络，内容相当露骨。

姜伯与小玉隔空对质爆“寒战”式骂战

双方各执一词变“罗生门”，《东张西望》于是透过电话让姜伯与“小玉”隔空对质，内容如下：

小玉：姑丈（姜伯），你唔好咁样乱讲嘢，你最后系点样请？你200万……你卖楼系你自己卖嘅，支票系去咗银行入嘅，攞钱我系每1次陪你去攞嘅，钱系攞咗用晒喇，而家你嚟屈我你摆200万喺我度，你几时摆200万喺我度啊？

姜伯：啲钱攞咗系妳，妳拎返屋企无畀我㖞。

小玉：几时咁样？如果有咁样嘅话，会唔会咁样做啊？你攞𠮶啲钱，跟住从银行攞出嚟攞10万你就攞5万走，过咗几日你又问我攞，你攞咗啲钱你仲话完全唔记得，我唔知道你系唔记得，定扮嘢唔记得。你自己使去边度，攞去畀边个，你自己知道，唔好咁样嚟屈我。你问下你自己个心，你问下你自己。你唔好嚟问我，你几时有摆200万喺我呢度啊？

姜伯：旧年啰。

小玉：我估唔到呢个老人家竟然可以咁样做，居然可以毒到同啲仔断绝关系，为咗出面啲女人，问佢啲仔攞钱去玩女人、去嫖、去叫啲女人上门按摩，问佢攞钱，边个有咁多钱畀佢啊？你问下佢自己，就嚟100岁嘅人啊，可唔可以做到咁尽啊！咁过分啊！我对佢几好啊！

这时姜伯举起3只手指发誓，强调“小玉，我从来都冇屈你，𠮶200万每次妳10万、20万、30万咁将我笔钱攞晒出嚟，摆喺妳屋企𠮶个保险箱里面”。

问到为何不报警，姜伯称曾报警但不获受理，原因是他“自愿”给予款项。节目最后，姜伯向小玉重申，“小玉，呢笔钱系我生活养老金，希望你畀返啲钱我”。

网民：难分对错

事件引来网民热议，认为难分谁对谁错，“寒战式对骂”、“好难讲谁对谁错”、“点会将钱畀个30几嘅女人保管，而唔系银行保管？”、“唔抵可怜”、“一定有啲嘢隐瞒”、“呢个伯伯个人都好有问题，咪买个教训啰”、“查银行提存纪录就一清二楚啦”。