大妈坐车除鞋脚放椅上　司机狂批爆骂战　结局笑死网民︰冇得顶！

早前网上流传一段“车cam”影片，显示1名大妈电召私家车，上车后即批评司机迟到导致她“晒太阳几分钟”，而且多次声称赶时间，质疑司机车速过慢，以及没有冲黄灯，引来司机反驳，直斥“畀好晒面色你，我唔发火，你𠵱家当我Hello Kitty”、“如果世上多你呢啲咁嘅人，绝对世界末日”，直接赶大妈下车。
同一名司机又有“新搞作”，在另一条“车cam”中，又有大妈上车，而且除鞋将脚放在私家车座位上，令司机大感不满要求放回下去，批评对方“一啲素质都冇，你老豆老母点教你？”。大妈即场反驳直斥“咁矜贵，唔好出嚟开车”、“你开车出嚟都预咗”、“攞部车去博物馆”，司机愈听愈生气，爆粗反指“搭咗你呢啲咁嘅人，真系倒霉八辈子都唔掂”，甚至说“照计你个样生得唔算衰，点解你素质咁X差？”，最后更停车坐在大妈旁边，伸脚搁在对方大腿上，连问“舒唔舒服？”有网民笑言“呢个结局真系估唔到，忍唔住，笑爆”。亦有人质疑影片只是摆拍，但赞赏极高质，令人看得会心微笑。

涉事“车cam”影片被上载至facebook群组“车cam L（香港群组）”，片长约2分钟30秒，影片加上简体字字幕，但“河蟹”了部份粗鄙对话，亦有用emoji遮挡了大妈的面貌。短片没有交代事发地点，但该名司机操带有乡音的广东话，而且驾驶左軚车辆，相信事件并非发生在香港。

“车cam”显示事发日期为今年9月6日下午4时许，司机驾驶期间见到大妈乘客除鞋，并将脚放在私家车座位上，于是立即出声，“靓女，你唔系啩，你只脚咁挤上去，有冇搞错？”。大妈反问“有咩问题呢？”，司机随即反驳“有乜问题？你𠵱家当我部车系你屋企张沙发定张床？咁挤上去有冇搞错？”、“有啲素质好唔好？坐车要有素质先得”、“挤返落去啦”、“一啲素质都冇，你老豆老母点教你？仲咁大个人”。

大妈一度轻摊双脚，但最终将脚放回下去，听到对方暗指她无家教，即开始反驳“使唔使讲嘢咁过分？”。司机一边驾驶，一边反指“唔系过唔过分嘅问题，系你本身咁坐车，系人见到都憎”，大妈则指“咁矜贵，唔好出嚟开车”，甚至提及司机从事服务性行业，但话未说完，司机立即回敬“服你老味，服务性？咩叫服务性？你𠵱家畀好多钱？”。

大妈继续指“咁巴闭”、“你开车出嚟都预咗”、“咪出嚟做司机，返去瞓教好过”，司机则强调“要斯文要文明”、“我做司机有司机嘅样，但你做乘客，冇乘客嘅样，好冇？”。大妈明显没有听入耳，反嘲“攞部车去博物馆，咁矜贵，开乜鬼嘢车？”。此时司机爆粗指“搭咗你呢啲咁嘅人，真系倒霉八辈子都唔掂，一啲素质都冇，我唔知你老豆老母点教你，咁X大个人”、“你点接受9年义务教育？”、“照计你个样生得唔算衰，点解你素质咁X差？”。

但大妈继续反驳，司机于是在安全情况下停车，自言“唔讲素质”，然后下车，登上私家车后座，坐在大妈旁边，伸脚搁在对方大腿上，不停问大妈“舒唔舒服？”，大妈未有反应，影片到此结束。

多名网民笑言“呢个结局真系估唔到，忍唔住，笑爆”、“司机有料，意想不到既结局”“司机冇得顶”、“其实呢个司机已经闹得佢好斯文”。

▼▼片中司机其他爆红影片，本年9月20日车cam纪录▼▼

片中司机过往有影片爆红，有网民怀疑影片是摆拍，但形容高质，看得很开心。其中另1段“车cam”摄于今年9月20日下午1时许，大妈一上车就批评“等到咁鬼耐，几分钟㖞，我赶时间”。虽然司机立即解释遇上塞车，但大妈继续批评对方“咁鬼迟，一啲时间观念观念都冇”，司机再次耐心解释，大妈却没有理会，反指自己“企喺度晒太阳几分钟，你嚟晒下”。司机面有难色，索性道歉了事。

驾驶期间，大妈多次声称自己赶时间，甚至讽刺“司机开快啲得唔得？你小儿麻痺咩？”，但司机表示“限60公里，我开到65公里”。大妈见司机没有冲黄灯，再批评“黄灯过埋佢啦，师傅，赶时间呀大佬，你系咪唔识揸车？”、“你唔识开车，唔好学人出嚟揸车”，大妈甚至继续批评司机不懂得选车，“死人窗又晒到X街”。

最终司机难忍被骂决定停车，批评大妈一上车已不断辱骂，“你赶时间关我X事，你赶时间，上个礼拜叫定车啦好冇？你赶时间，搭高铁过去好冇？”，甚至怒斥“你老板，畀好晒面色你，我唔发火，你𠵱家当我Hello Kitty，系咪呀？”，司机更指“如果世上多你呢啲咁嘅人，绝对世界末日”，继而叫对方“落车”、“快啲”。大妈闻言表示将投诉，司机立即回敬“马上、必须”，其后大妈下车，司机亦爆粗发泄一番才开车离开。

（综合）