称搭巴士被操普通话女子打尖　港男企车头理论　不满未获车长力撑

被打尖到底应多一事不如少一事，还是应据理力争？有港男于网上发文，指于湾仔菲林明道排队乘搭九巴时，遭一名操普通话女子打尖。他不满要求女子下车重新排队不果，向车长反映，车长却冷处理事件，他更遭其他候车乘客斥责。港男心有不忿站在车长旁位置，拍片与其他乘客理论，有身处车外的男子指责他与打尖女子同样自私，“搞到全部人上唔到车”，港男则认为应争取公义。事件扰酿一轮后，港男终放弃争论，走进车厢中。
帖文引来热议，有网民指车长被指责是无辜受罪，认为巴士到站时车长并不清楚排队情况，加上争论影响到他人，令港男不获在场乘客力撑。不过也有网民支持楼主，指出“打尖、噪音滋扰、顶凳背，一个都不能饶”。

该港男于facebook群组“屯门公路塞车关注组”发文，不满指“点解上部960车，车长容许其他人打尖？叫佢排返去后面，成班人仲要X返我”。港男表示，他在巴士站看着前一班来往屯门（建生邨）及会展站的960线巴士载满乘客后驶走，排在第二位等车。当下班车到达时，他指原本站在960C路线队伍的1名操普通话女子突然打尖，“一嘢喺你面前插上嚟”，女子声称一直排队，是960线巴士队头候车乘客“逼咗佢去960C个位”。

港男不满被打尖，当场理论却不获同场乘客支持，心酸道“香港人只会理自己，排队呢啲基本嘢都唔理”，又于帖文道歉，“同影响到的乘客讲声唔好意思”，但他认为“呢啲先系公义，系要争取的”。

港男上载了一段约1分钟长影片，可见他站于车厢内车长位置旁边，与车外候车乘客理论，现场多人鼓噪。车外有一男子批评港男，“阻住全部人上车呀，大佬呀，我哋等咗几X耐车呀”，港男则回应，“喂咁有个人打尖，佢落返车咪可以啰，你点解唔叫佢落车呀，佢打尖㖞依家，我好想落车呀？你真系搞笑㗎，你话我戆X呀，阿生”，车外男子闻言摊开双手直言“系呀”。

港男继续指出，“系啰，但系𠮶个人打尖㖞，点解我叫𠮶个人打尖落返嚟……”，车外男子打断道“你而家搞到全部人上唔到车”。港男反问“咁系咪就系可以打尖先，我想问”，车外男子再批评“你都系自私㖞”，港男仍然坚持：“我净系想请佢落去行返去后面”。车外男子不再争论，改为建议“你上车啦不如”，港男续问“咁我就戆X啦，系咪呀，阿生”，车外男子再次直言不讳“系呀”。

这时车外有女士加入劝说，“先生呀，你叫𠮶个女人嚟企我呢个位啦”，港男说，“系呀，即系你叫我落返车，然之后行返落去最简单啰，佢就唔系打尖啰”。车外男子无奈道“大家唔上车唔得㗎”，大妈重复道，“你叫佢嚟企我呢个位啦”。

港男改指，“车长话佢就可以打尖㖞，搲晒头，我真系搲晒头，你话可以打尖”，车长则指出，“边度有打尖嘅啫，人哋同你解释咗”，港男再强调，“我嚟嘅时候佢唔喺度嘅”。此时，一直在车上、被指打尖的女子用普通话表示，“先生我让你先，来来来，我本来就是让你先”，港男闻言嘲讽“先先先先先，好好好好好，真系好搞笑㗎”，然后他放弃争论走上巴士上层，有女乘客见状无奈称，“得啦得啦，快啲上车啦，哎呀，开车呀”。

帖文引来网民热议，有人指出楼主为一己之私牺牲他人利益，“你牺牲所有人时间嚟搞场大龙凤，好意思话香港人问题”、“班车成日脱班，就系多得你呢类人”、“你最错就系架巴士仲有咁多位嘅时候做啲咁嘅嘢，如果架巴士无位顶晒闸，影响到自己嘅时候就唔会话你错”。

有网民就指责楼主不应将矛头指向车长，“架车咁多位都要为咗一条打尖友就去话个司机，系咪得闲无嘢做？”、“onX，你俾人打尖，你自己XX打你尖𠮶个，你拉个车长落水把X，车长X知你边个排先排后”、“一条线咁多个站，个个站𠮶条队都归埋个车长管？真系叫你老X做埋佢啦呢份工，冇人入行揸巴士㗎喇，好地地揸转车都俾你影上网”。

不过也有网民表示，明白楼主被打尖的感受和支持他的做法，“明白你感受，有时啲人排喺旁边一嘢插上嚟就当自己排咗队咁，我都试过俾人打尖，仲要系佢打我尖令到我无得坐，企足9个字，不过我无楼主咁有勇气X人”、“而家啲狮子山下精神冇晒”、“支持楼主⋯⋯打尖、噪音滋扰、顶凳背，一个都不能饶”、“支持楼主，最憎人打尖，衰格。我见到都会出声，不能纵容”。