台风苏拉│超市现抢购潮　港女不解：唔使咁夸张嘛？　网民1句解谜

【苏拉／台风／抢购潮】每次香港面对超强台风，不少市民都会争相外出抢购食品。有港女就不解表示“一日半日无得出街买嘢啫，又未至于会无嘢食挂”，又称她家里会备有公仔面等应急食品，故问道“唔使咁夸张吖嘛”。有网民则解释由于“土地问题”或个人生活习惯，许多市民平日不会煮食，加上台风突袭时大部份食肆会关门，故市民要预早抢购食物，才令超市货品供不应求，“超市原本只系预啲人买一日嘅量再多啲，啲人要买两日嘅量，咪冇晒啰”，更被反问“未雨绸缪有咩问题？”。

“真心好奇点解会有呢个现象出现”，该港女在Dcard以“好奇点解临打风都要抢晒啲嘢”为题发帖，指从新闻报导看见有超市冻肉被扫一空，她直言无法理解为何港人要抢购食品，“一日半日无得出街买嘢啫，又未至于会无嘢食挂”。她续指，虽然大部份店铺于台风期间不会营业，但社会未至于完全停顿，故质疑“唔使咁夸张吖嘛”，更以其自身为例，“我屋企系𠮶啲长期会有面For自己食Lunch”，所以她对超市食品被扫一空情况表示疑惑。

虽然有人直斥港人恶习是“惊输蚀”，“有部分香港人就系咩都抢啦”；不过更多人觉得香港有不少“无饭”家庭，突然面对超强台风，要储粮应付数日三餐亦属正常，“超市原本只系预啲人买一日嘅量再多啲，啲人要买两日嘅量咪冇晒啰”、“唔系个个本身都喺屋企煮，打风个个都喺屋企食或每个家庭都至少买两日份量，超市空都未必代表啲人系‘抢’”、“因为啲野会贵咗，尤其啲菜”，更反问楼主“未雨绸缪有咩问题？”。

亦有留言指台风之下根本不便外出，加上街道情况亦难以预测，“打风无外卖送，又无车出街，唔系随时餐餐都要淋住雨出街买外卖”、“依家啲风愈来愈劲，打完有机会全香港停顿几日（交通停顿）”；有人就问楼主“就算平时买定公仔面罐头干粮零食，你都唔想连续六餐食呢啲嘢生存啦”。

（Dcard）