买日本蜜瓜3日后要求退货　店舖查CCTV证购买时曾做1事　终咁处理

购买食品当然希望选择品质良好的新鲜货，有售卖新鲜水果食品的店舖近日发文，指有顾客购入2个北海道蜜瓜后，相隔3日再带回门市要求退款，甚至要胁“唔换就唔走”。店方贴出相片，显示客人退还的蜜瓜表面有黑印及小部份损伤，翻查闭路电视后更发现客人取货时曾经检查，批评对方无理取闹，同时决定将该客人封锁不再交易。

“麻烦大家留意一下呀，如果系咁，就真系唔好帮衬我哋啦！”出售多国食品的店舖“日本货好友站 – Aplex”近日于facebook专页发文，指日前有客人购入2个北海道富良野蜜瓜，相隔3日后突然带回门市要求退款，“买完个蜜瓜3日、系3日，走返嚟话个蜜瓜咁，要换过，唔换就唔走，为难我哋同事”。

从帖文附有的相片可见，客人带回的蜜瓜表面有黑印，亦有部份位置呈明显的非自然损伤，甚至有果蜜渗出。店方认为客人提出退款的要求无理，质疑对方应曾检查蜜瓜状况才付款，“喂，个瓜我哋唔信你买走时已经系咁，系咁返到屋企3日先知？唔系呀，老老实实，点做你生意呀，我哋自问无能为力”。

店方翌日再发文，指就事件翻查了门市的闭路电视纪录，发现涉事客人购物时，的确曾检查2个蜜瓜的状况才付款离开，“水果个个都唔同，我哋唔比较，但过咗3日，一定唔会系我哋问题”。因此客服曾联络涉事客人跟进，惟对方并不愿意沟通，最终店方决定拒绝再与该客人交易，“希望如果客人认嘅，我哋都算数，但客人既然已读不回，咁无奈我哋只能封锁”。

店方续指，今时今日经营生意不容易，平日收到客人投诉会尽量了解，惟不代表会承认所有指控或责任，“有时人多，好难每个讲，但正常有问题，我哋会尽力跟进，但呢啲（指今次退款事件），只可叫救命”。

帖文引来网民讨论，不少人批评涉事客人要求无理，直指新鲜食物的存放或存理方式均会影响品质，相隔3日才要求退款并不合理，“不如等3年先换”、“买完之后3个钟嚟换都唔睬佢啦，点知佢做过啲咩？”、“想稳阵啲最好即场㓥开睇”、“如果买𠮶时系咁，我相信佢都唔会要啦！呢啲人真无赖”。