麦当劳躁男大战阿婆片疯传！争位爆争执粗口横飞　小孩反应成亮点

究竟谁对谁错？本港网络疯传1段“躁男麦当劳大战阿婆”影片，见到1名男子于麦当劳内疯狂爆粗与阿婆对骂，其间双方险爆身体碰撞，幸有职员一直在旁劝架。影片的文字描述声称事件起因是男子找到位置坐下后，婆婆; 走过来“霸位”，更把男子正在充电的手机“掟落地”，并责骂男子的小孩。
影片引来网民热议，有人认为男子“EQ好低”，面对长者毋须“咁劳气”，爆粗和呼喝都会让孩子留下不好印象；但有网民认为“港爸勇于捍卫自己嘅权利有咩问题”、“人哋喺度等紧位，阿婆就走去打尖摄人个位，净系口头x下佢咪算好啰”。也有不少网民关注身旁小朋友反应，“个细路好冷静咁坐咗喺后面食花生”。

该段“躁男麦当劳大战阿婆”影片长1分30秒，一开头就听到站着的男子对坐在椅上的阿婆婆怒吼“好躁啊而家！”。婆婆反问“你做咩嘢掂我啊？”，男男子即回应：“我掂你？你掹我电话？吓！你掹我电话？”现场有女职员劝男子冷静，男子却继续向婆婆“开火”：“掹我啲嘢啊！吓！而家啲阿婆真系，你真系九唔搭八啊！真系！”

阿婆之后向职员表示：“我而家想坐，食嘢！”男子则不忿说：“我喺呢度等（等台），妳又要夹硬坐过嚟。我喺度等你坐过嚟掹我啲嘢（手机）？”双方僵持不下，职员于是问婆婆本身是否坐旁边那张台，她未有正面回应，只说“佢摆啲嘢喺度”。只见该台的座位有食物包装残留，未知是否有人曾“扫跌”食物。

在职员再三追问下，婆婆终指着旁边的台表示“我啱啱嚟，佢想坐喺度，佢跌晒啲嘢，点坐啊？”，男子即要求婆婆正面回答，“问妳系咪坐喺度，妳答啦！妳啲阿婆真系”。

由于旁边座椅留有食物包装纸，职员称会代为清理，劝婆婆转台，此时现场终于稍为平静，但婆婆继续抱怨不愿停口，男子遂再次“火起”：“坐𠮶边就坐𠮶边，走过嚟做乜嘢啊？”婆婆反问：“你做咩跌晒啲嘢骂我啊？”男子即回敬“妳掹我啲嘢妳就已经好唔啱啦，阿婆！”婆婆反斥：“我系啊婆，呢个系细路哥（意指坐在一旁的男子的小孩），你要尊重佢！”男子听罢怒气更盛“臭x闹我细路？”，并踏步上前，双方险有身体碰撞，婆婆则称：“我系爱佢架，你做咩郁我啊？你对住一个细路哥咁恶？”影片至此结束。

影片在网上疯传后引来网民热议，“真系好大压力”、“个阿婆又x，个阿叔又癫”、“港爸EQ好低”。也有网民认为先错在婆婆的行为，“个港爸勇于捍卫自己嘅权利有咩问题”、“人哋喺度等紧位，阿婆就走去打尖摄人个位，净系口头x下佢咪算好啰”、“老唔系问题，恃老卖老先系问题”。

影片的描述指有自称知情网民表示，“已问当事人当日真正情况，佢话𠮶个阿婆好离谱，推泻晒佢成个麦当劳餐落地下，仲要霸咗佢个位，又将佢个手提电话掟咗落地下，又闹佢个仔，佢话真系忍唔住爆，拍片者无影到开头”。不过，男子在片中没有指摘婆婆掟其手机，也没提及食物被扫落地，反而婆婆称“你做咩跌晒啲嘢骂我啊？”，故此说法未能证实真伪。

另有大批网民关注身旁小朋友反应，“个细路好冷静咁坐咗喺后面食花生”、“想知个细路仔嘅阴影面积有几大？”。