我阿妈系小三！女生以为父出轨　惊悉母才是第三者：我系私生女

错不在子女！有女生在网上发文大呻，她自小未曾感受过父爱，因为自小学开始，爸爸1、2个月才回家1次，过往母亲解释爸爸是去了工干，但她懂事后就怀疑爸爸出轨有第三者，至日前母亲坦白“原来我老窦有一个40几岁嘅仔， 佢而家已经生仔，然后要重新装修屋企”，也因此爸爸已几个月没给家用。真相突如其来，女生悲痛道“原来我老母系小三…原来我系私生女”，现在压力很大，觉得很丢架。网民纷纷安慰，认为她根本无错，事件都是大人的错，而最大罪的就是她的父亲。

有女生在Dcard发文，称“原来我老母先系小三”，她透露自己从小到大都没感受过父爱，小时候的确像个普通家庭，但爸爸自她小学开始，“1、2个月先返嚟1次”，妈妈解释爸爸要出外公干，当时信以为真。懂事后发现爸爸太过奇怪，觉得他可能出轨，外面有第三者。

直至日前（6月9日），妈妈突然向她坦白，“原来我老窦有一个40几岁嘅仔， 佢而家已经生仔，然后要重新装修屋企，已经几个月冇俾家用我哋”，而且爸爸还有1个大约14岁的女儿。真相突如其来，“原来我老母系小三，原来我老母冇同我老窦结婚，而家我老窦净系去返佢原本嘅家庭，原来我系私生女⋯”。

楼主直言一时间无法接受自己身世，“好大压力，亦都觉得好丢架…有一个做小三嘅老母…”、“我一直都好憎我老窦”。

网民感觉到楼主的难受，纷纷好言安慰，“大人错，不要想太多”、“大人嘅错你无须要去承担，无人拣到自己嘅出身，你要好好过日子”，无论如何最大罪的是父亲，“可能你妈都系比你老豆呃”。

部份网民面对同样的家庭问题，“之前我老窦自爆佢出面有个女，我冇啦啦多个妹𠮶下我都接受唔到，不过慢慢习惯就算，到依家我都未原谅到佢”。另有网民和楼主情况一样，“同你差唔多，唔同嘅系我好细个就知，连𠮶个男人的家庭（有对孖仔）都知，但系我阿婆阿公𠮶时好似唔系几知件事咁，总之一知道佢哋嚟，𠮶个男人就要即刻走”，当时以为正常，“黐佢多过我阿妈，经常想佢留喺我屋企耐啲，过埋夜咁”，直至上中学开始发现事情不单纯，开始发现真相，现在上大学已断绝关系。

有网民提醒，楼主母亲应该要鼓起很大勇气才坦白，“点讲都好佢都靠一己之力养到你咁大，如果你睇佢唔起嘅，都几hurt”、“你觉得丢架前，第一可以了解下点解你妈妈会做咗人小三，佢当初知唔知情”。

（DCard）