离谱！为避抄牌竟独留幼稚园女儿在街　港爸被好心人闹反应超轻佻

小朋友年纪尚幼，未能自理，家长应时刻看紧。近日有港爸驾车送读幼稚园的女儿上学时，为免被抄牌，竟独留女儿在街上，幸有好心港女发现嚎啕大哭的小女孩，上前关顾，待港爸泊车后折返。未料港爸被港女责骂时竟嬉皮笑脸，完全不觉得有问题，港女直言幸好小女孩没遇到拐子婆，“若为咗𠮶几百蚊而无X咗个女，我睇下你呢个老窦呢世点算！”。

该港女以“好彩我唔系拐子婆”为名投稿至facebook专页“生仔要考牌系列”，表示自己于湾仔小童群益会大厦上班，该处有间幼稚园，日前上班经过大厦停车场入口时，见到有读幼稚园的小女孩站在原地。她起初没特别为意，然而当她经过后，“个小妹妹突然喊得劲凄凉”，她再望一望，“始发觉原来得佢一个企喺度，附近无大人看顾”。

港女见状有点担心小女孩，于是走近陪伴及了解为何独自在街上，小女孩回答“爸爸车我返嚟，我落车后有两个叔叔行埋嚟，我爸爸就揸走咗架车啦”。港女闻言火冒三丈，心想“X你老X，为咗唔俾人抄牌，竟敢就咁放个女喺条街度，无嘢呀嘛？”。

幸好小女孩记得爸爸电话号码，但港女致电了两次也无人接听，于是她先送小女孩上学，打算到学校后告知校方，吁校方教育一下家长。正当等候升降机时，小女孩爸爸终于现身，港女直言“唔系佢哋咁啱有䢂，我就XX佢㗎啦”。

港女续说，回到公司后，小女孩爸爸见到有未接来电，于是回电给她，“我话佢两句，佢仲喺度嬉皮笑脸，完全唔觉得自己有问题咁”。港女直言，“好彩咁啱小妹妹无遇着拐子婆啫，若为咗𠮶几百蚊而无X咗个女，我睇下你呢个老窦呢世点算！而且个女又咁易就跟人走，我建议你真系要好好咁睇实个女”，又怒斥“其实当你人都唔X识做时，就唔好XX生啦，唔该！”。

帖文引来一众网民批评港爸，“黐线㗎？𠮶个位好静㖞，好彩遇到楼主好心啫”、“唔明点解唔车埋个女一齐走？”、“唔好话俾人捉吖，小朋友惊起上嚟行出咗小小马路都危险啦！点解身为家长呢啲意识咁低㗎，真系一眼都唔可以离开㗎”、“唔好以为佢内疚啊，呢啲阿爸生嘅时候冇责任，唔见咗佢都唔会觉得有内疚感㗎”。

有网民甚至建议投稿者应即时报警，“报警真系好啲，你点知佢老窦会唔会觉得你系拐子佬，保障自己好啲”、“换转系我可能即场报警，等个X街老窦俾人告疏忽照顾”。