有伏！淘宝买防水鞋套　港女赞：唔跣脚　前用家呻：跣到四脚朝天

淘宝网站货品包罗万有，只要你想到的都会找到，但并非每样都实用！有港女于网上发文分享“淘宝好物”，称从淘宝网站购入的防水鞋套不跣脚、不入水。她对鞋套十分满意，惟帖文却引来网民一面倒指有伏，绝对跣脚，直言“呢款绝对系X街神器嚟㗎㖞”、“一次性X街鞋套”，甚至有深受其害的网民分享惨痛经历，“千祈唔好买，我就是试过穿这种，结果跣到四脚朝天，睇医生睇咗成个月”。

该港女于facebook群组“淘宝开心share”发文表示，近日下雨天，早前从淘宝网站购入的防水鞋套终于大派用场，大赞“一啲都唔跣脚，踩水氹完全冇入水，质地超好”。从她上载的照片可见，鞋套能包裹整对波鞋，鞋底有凹凸防跣纹。

不过不少前用家直言此鞋套非常不好用，难穿戴、易焗出脚味等，“好难着又好难除”、“除鞋除到发脾气”、“你试下狂风暴雨，照湿晒”、“焗出个味来”、“湿晒咁返到公司，到收工时就臭出个味来”。

甚至有前用家分享穿着鞋套跣倒的惨痛经历，借以警世，提醒他人勿购买，“一定不能踩到街上的渠盖，立即跣低，我已经跣过。我原先都觉得好好，我真系跌到X街，2个膝头哥瘀晒，只手损晒。所以我立即掉咗，买番全对胶水鞋”、“我就是买咗这种，跌断咗手，不要买呀”、“试过信佢，在日本差啲跌死，唔会再着”、“一啲都唔好用，跣到X街，仲要黐晒啲污糟嘢同头发，用一次即刻掉”。

有网民指出何不直接买双水鞋或防水喷雾更实际，“正正经经买一对防水鞋好过，呢个套又焗又肉酸又难着”、“不如淘对水靴仲实际啦”、“不如直接淘支防水喷雾喷对鞋仲好”、“怕落雨湿焗臭脚，就踢拖番到公司再换鞋/带多对袜，否则唔好再用啦”、“落雨着胶拖鞋先系王道”。