盲抢蛋！阿妈惊蛋荒跟师奶友狂抢蛋　阿女见大量囤蛋崩溃：摆到臭

去年冬天禽流感突袭日本、美国，大量产蛋的鸡也被扑杀，令日、台、英、美，甚至新西兰也闹蛋荒。虽然香港暂时未受影响，不过有网民近日大呻，最近妈妈与她的师奶朋友竟去盲抢鸡蛋，又言“而家唔买迟啲就冇得买”。楼主见到家中囤积大量鸡蛋感到相当崩溃，“唔知会唔会摆到臭都未食得完”。

该网民近日于香港讨论区撰文，呻指因为蛋荒，妈妈与她的师奶朋友近日狂买鸡蛋，回家后更影相向家人大晒战绩，“话佢好叻咁买咗3排蛋返黎，话而家要30几蚊一排，叫我哋悭住食，话佢啲师奶朋友话而家唔买迟啲就冇得买”。

楼主对妈妈盲抢蛋的举动感到很无奈，称平常根本少吃蛋，而全家亦只有3人，平日买一排鸡蛋也要一个多月才吃毕，“而家阿妈买咗3排返嚟，唔知会唔会摆到臭都未食得完”。最令楼主崩溃的是，妈妈似乎仍未想停手，“阿妈仲话佢啲师奶朋友买咗5排蛋，谂谂下自己买咁少好似蚀咗”。

早前网上疯传香港日式超市出现疑似抢购日本鸡蛋的激烈状况片段（按图即看👇👇👇）

楼主的经历引来网民热议，笑指楼主这段时间也要吃“全蛋宴”，“食多啲蛋补充蛋白质呀”、“蒸炒煎烚蛋想食边款”。亦有不少网民指，市面不同超市也有大量鸡蛋出售，根本毋须盲抢，“早几日都 $19 十只日本蛋，其实平时都系 $22-24 左右可以买到，唔使抢㖞”、“无必要抢，唔食蛋对健康影响不大”、“鸡蛋唔放得好耐，叫伯母唔使买咁多啦”。

（香港讨论区）