婆婆乘巴士不适想召救护车　乘客竟怪责阻返工　港女1招KO无声出

【好人好事／巴士】返工重要还是救人重要？有女生于网上发文表示，周一（2月27日）搭巴士时，车上名婆婆因不适无法下车，想召唤救护车到场，随即被数名乘客怪责抱怨“唔好阻住我返工”，令婆婆陷入两难，于是她“冲出嚟”帮忙，并用1招令抱怨的乘客“无声出”。网民看后大赞楼主善心见义勇为，“好在香港仲有你呢啲人帮手，唔系婆婆就好孤独咁挨骂”、“多谢你在群众压力下仍见义勇为”；也有大批网民指摘相关乘客，“点解咁冇同理心？”、“𠮶班人系咪黐线？”。

消费券2023攻略｜申请登记资格+$5000派发方法/到期日时间表

该女生于Facebook群组“柴湾人柴湾事”发文分享事件。她指出，周一（2月27日）早上6时左右，婆婆乘搭82号巴士到东区医院站，惟想下车时身体不适“企唔到起身，落唔到车”，于是向车长求救，并表示需要召唤白车，讵料即时有数名40至60岁左右的乘客怪责及抱怨，“我哋要返工架，妳唔好阻住我返工”、“妳明知自己身体咁样，就唔好搭巴士，坐的士”、“妳而家咁样，搞到我点返工，不如揾人扶佢落车，再叫白车喇”。

眼见婆婆徬徨无助，楼主冲出来保护她，叫婆婆坐下等待救护车，明言“我哋迟咗返工唔紧要，但你咁样落车，系条街跌亲，郁唔到，我哋成架车啲人会唔安乐，良心过意唔去”。然而婆婆敌不住众人压力，不断说“我阻住佢地返工，我落车喇”，却又有心无力，“想落车但又无力”，楼主于是像“录音机”般重复上述说话不让婆婆下车，亦令抱怨的乘客“终于无出声”。

楼主表示，分享事件是希望大家有多些同理心，“每个人都会老去嘅一日，婆婆已经身体不便，佢想落车但无力，其实你哋不断向佢抱怨，发泄怨气喺婆婆身上，难道佢就会有力落到车？就会解决到成件事？”。楼主又说，明白乘客赶着上班，但反问：“你赶住返工就可以罔顾别人嘅生命安全？设身处地谂下，如果个个婆婆系你屋企人或者系老去嘅你，当你需要别人援助时，需要call白车时，其他人就抱怨你阻住佢，你会有咩感受？”

帖文又来网民热议，大赞楼主见义勇为，“好在香港仲有妳呢啲人帮手，唔系婆婆就好孤独咁挨骂”、“楼主，好彩有妳&其他好心人”、“多谢妳在群众压力下仍见义勇为”、“好人好事”、“多谢妳为婆婆出声！”。

也有大批网民批评埋怨的乘客无同理心，“点解咁冇同理心…婆婆咁受压力好惨”、“个班人系咪黐线？”、“自己赶住返工行得走得就落车搭的士或者行路啦，呢啲冷血人将心比己，自己屋企老人家俾人话𠮶阵会有咩感受！”、“怕迟到返唔到工，可以而家落车转搭其他车，你叫紧一个郁唔到嘅人落车，好过分啰！”。