的士司机称拾获新iPhone　唔识用求代寻机主　女生2原因疑有古惑

桥唔怕旧，最紧要受？所谓“便宜莫贪”，只要不贪心，受骗的机会就会大大减低。有女生分享近日乘搭的士时，司机突称上手乘客遗下手机，但自己不懂如何操作，希望她代为查看以寻回机主。楼主很快发现不妥，指出司机递上的是“扮iPhone”假手机，又发现的士上并无展示司机的行车证，质疑对方另有企图，“氹你畀返一二千蚊茶钱佢拎走部电话”，实则从中骗取金钱。
事实上，同类“执到手机骗案”时有发生，有市民被骗钱后发现该部手机是便宜假货。

新骗案｜的士司机兜售iPhone 13新机　称上手留低　醒目客揭4破绽

“喂大佬吖！又系呢招你老唔老土啲呀？”该名女生日前于facebook驾驶群组上载片段，显示她乘搭的士时与司机的对话；帖文于周六（25日）下午发出，相信是楼主近日的亲身经历。片中可见，楼主坐在的士后座左方位置，司机边驾驶边称较早前有乘客遗下一部手机在车厢，他拾获后打算等待对方致电再交还，但一直没有消息。

司机其后向楼主递上拾获的手机，请她代为查看，“佢有无校静音呀？妹妹你帮我睇系咪打咗过嚟，我听唔到”。楼主接过手机，简单查看便称“假嘅部手机”，司机闻言便称“哦，唔值钱㗎，唔值钱佢可能唔要喇”，似是放下心头大石。

楼主事后怀疑涉事的士司机“有古惑”，指一上车发现对方没有展示行车许可证已感怀疑，至后来司机拿出似乎非常“新净”的电话让她查看，更让她感到不妥，质疑对方有意行骗，“即系佢会攞部假iPhone出嚟，然后会同你讲话系上一个客留低嘅，又冇电话卡，唔知点揾佢，佢都唔系好识，叫你帮佢睇一睇。然后部机系好干净嘅，冇密码冇资料乜都冇新嘅一样！氹你畀返一二千蚊茶钱佢拎走部电话”。

她又指早已听闻相关骗财方式，嘲笑司机若有意行骗，理应预备更好的“道具”，“好心你笠返个机套换返个wallpaper都叫做似样啲呀，呃人都冇乜诚意点俾你呃呀大佬？同埋我建议你用返android机，因为真系冇乜几个用iPhone又唔用密码嘅”。

帖文引来网民讨论，有人直指类似行骗手法已沿用多年，过往已发生过不少同类案，“话执到电话同你对分，不过叫你畀唔记得几多钱佢，之后卖到几多归你”、“其实唔贪就唔会俾人呃到，再者你知道人哋执返嚟你又照买，即系你有份帮手处理赃物啦，一句叫佢交去差馆咪得”、“未上车前，第一时间睇下有冇司机证，冇就一定不上车”。

亦有网民声称认得片中司机，指曾被对方以同一手法骗去1,000元，直斥该司机为惯犯，“我中过佢招，俾佢呃咗1,000蚊！我认得佢，咪就系因为贪部电话啰。你一上车佢就会话就嚟交更，但系上一台客留低咗电话搞到佢要喺度等，又唔知佢几时会打返嚟，又话等咗好耐都冇消息之类”。

根据香港法例第210章 《盗窃罪条例》，任何人如不诚实地挪占属于另一人的财产，意图永久地剥夺该另一人的财产，即属犯盗窃罪，因此拾遗不报亦属违法，一经定罪可处监禁10年。另外，《盗窃罪条例》亦列明，任何人如知道或相信某些货品是赃物而不诚实地收受该货品则属处理赃物，最高可处监禁14年。