睇《男儿当入樽》迟入场！恶女慢慢行阻镜头反骂观众戆X　坐低仲…

《男儿当入樽》（Slam Dunk）是许多人的儿时回忆，近日剧场版搬上大银幕吸引大批粉丝。有女生日前发文大呻，指早前到屯门巴黎伦敦纽约米兰戏院看《入樽》，有名坐她旁边的女子迟了15分钟入场，还慢慢看手机“劲慢咁摄入去”，当时刚好是比赛剧情“佢一个人遮咗3行人睇戏”，她忍不住叫对方行快点反而被骂“戆X”，坐下后疑报复“突登整啲饮嘢声食嘢声嚟骚扰人”。帖文引起许多人共鸣，直指戏院现时有很多劣质观众，除了“问题大师”，连“剪脚甲都有”。

电影看得肉紧之际被人阻挡视线难免会生气！有女生在facebook群组“真‧屯门友”发文，称早前晚上6点在巴伦纽看《男儿当入樽》，开场15分钟后有个女人“先啱啱入场坐我隔篱位”，虽然迟到无问题，“但点解要一路睇住个mon一路劲慢咁摄入去”，该女子坐在中间位置，当时已经是打比赛的情节，画面正起手射波，“佢一个人遮咗3行人睇戏”。

楼主忍不住开声叫该女子行快少少，结果被反骂，“佢仲话我戆X”，她气得批评对方“睇戏都迟到一啲都唔尊重”，之后怕继续争吵会阻碍其他人看电影，她没再发声，未料该女子之后仍要“突登整啲饮嘢声食嘢声嚟骚扰人”。她坦言自己只是呻一呻，“而家啲戏飞太平，啲人又去当凉冷气”。

许多网民深有同感，明明开场前已提醒要关掉响闹装置，但仍有很多人揿电话、大声说话，还要全程问问题，有人早前去看早场，“最后𠮶球后面有个女人睇戏睇到睇波咁，之后走廊隔篱个男人又自行配音，成个院都好似喺观众席咁”，最讨厌的是“问题大师”，睇到戏肉全程问发生何事，例如“点解海底都呼吸到？”、“点解咁多炸弹”。

网民分享离谱经历，包括“雪雪声食沙嗲牛面，最离谱𠮶次剪脚甲都有”、“有个阿婆开埋视像同个孙倾计”、“有一棚人（5个以上）开咗场都半小时先到，仲要慢条斯理咁入去…迟都算仲要叫埋大量嘢食，由2个职员分两次咁攞畀佢哋食”，大叹“而家啲人质素唔同晒，以前啲人迟到，个个都要耷低头，有咁快行咁快又会讲唔好意思”。

楼主笑言其他人经历更惨，认为无追开其实何必要夹硬睇，“我都怀疑我遇到个女人都系唔想睇夹硬睇”，“怀疑而家啲人喺屋企睇惯Netflix，以为戏院都系咁”。

（facebook群组“真‧屯门友”）