付$538买$138三文鱼　鱼档拒找$400　港妈发文诉苦批唔老实引热议

使用大额纸币交易要谨慎！有港妈于网上发文大呻，日前于黄大仙大成街街市遇到不老实鱼档，声称付了538元买3片合共138元的三文鱼，但老板拒绝找回400元，指从没收过500元大钞，最后她只能委屈地离开，没有争取回400元。帖文引起热议，不少网民认为港妈应即时报警，“起码等警察嚟做下嘢都好呀，你报警佢就会记起收咗500”，亦要经一事，长一智，付大额纸币应扬声，“下次畀大纸最好同收钱讲畀咗几钱，好似畀50蚊买8蚊嘢，你要讲50，如果唔系佢哋会当10蚊收，500、1000一定要讲，你可以讲无散银500有无得找”。

该名港妈于fb群组“黄大仙区友（黄大仙，新蒲岗，钻石山，慈云山......）”发文大呻“新一年就遇到不老实鱼档”，她忆述当时于鱼档等了很久，鱼贩待其他顾客买完离开后才招呼她。港妈当时付了538元买138元的三文鱼，预想档主会找回齐头400元，并一直站在鱼档前等找钱，没料到档主反问她“咩事”，她明言等待找回400元，但档主竟指没收过500元大钞。

她不满地指，“我银包有3张$500，当时拎咗1张畀佢剩返两张，点知条友死口唔认收咗”。她又说，自己常光顾此鱼档，但她1周只买1次𩠌，亦非每周光顾，所以未必认得她。她形容当时双方没有“发恶”，档主强调没收过，而她曾两度指自己付了1张500元，无奈道“佢唔找$，我一个女人仔可以做啲乜”。

有网民批评鱼档，“呢间个女人怨气好重，仲有成日闹人，唔会再帮衬”、“咁PX？唔知佢系唔系惯犯呢？下次影低张500蚊或抄低number阴佢，佢话无收，唔使畀佢知你有证据，即刻报警”。有人则为鱼档辩护，“我帮衬咗呢间鱼档好多年，佢哋都好老实，唔会贪个小小影响声誉，我问咗阿姐佢有即时睇钱兜都冇$500蚊，所以觉得有问题应该报警，搞清楚谁是谁非，人哋都要做生意嘅”。

有网民指出楼主不应胆小怕事，“你又肯就咁走至犀利，唔好话自己一个女人仔点点点，呢500蚊系你血汗钱，被人咁样呃咗唔当场拎返好唔抵”，又提点之后于街市买𩠌要“学精”，“我次次大嗌500”、“一定要讲你畀500蚊㗎，有时手忙脚乱会唔留意到”、“惨惨猪，但我自己尽量预算好细纸零钱避免找续，唔会喺鱼档找大纸，因为真系嫌佢啲钱又湿又腥味”。

有网民表示大钞应于超市或便利店使用，“先小人后君子，我多数500蚊会喺超市或者7-11先用嘅，因为听过太多街市唔找钱！”、“$500畀我会去便利店增值咗$100先，然后再入街市买𩠌”。