圣诞礼物！老板送1人1只火鸡同事感无奈　网民劲羡慕：仲请唔请人

圣诞节人人收大礼不好吗？圣诞节将至，有打工仔分享老板特意叫同事们收工时留下收礼，竟每人送一只急冻火鸡做节，拎箱同事“打开𠮶阵呆咗”，虽明白急冻火鸡价格不便宜，但个个同事你眼望我眼“唔知好嬲定好笑”。有网民直言一般香港家庭焗炉很难处理火鸡，甚至雪柜都没空间放，但不少人大表羡慕，认为是“难得的老细”。

麦兜吃火鸡的故事很多人看过，原只火鸡很难吃得完！楼主日前在香港讨论区发文，指圣诞节临近，每年老板都会事前送礼物给同事庆祝。周一老板叫同事们收工后别急住走，“送啲嘢畀大家贺下佢”，同事们收工前已在讨论老板送什么，随后老板叫同事拿一个大纸箱入办公室，里面全是上网订来的急冻火鸡，“仲好记得拎𠮶个同事打开箱𠮶阵呆咗咁企喺度，跟住同我哋对望咗几秒”，大家看他的眼神已心知不妙。

部分同事即时上网搜寻，发现急冻火鸡价钱不便宜，老板很有心，但“我哋个个拎住只火鸡企咗喺度你眼望我眼，都唔知好嬲定好笑好”，估计老板担心他们没火鸡吃，故一人送一只“做节”。

不少网民非常羡慕，指火鸡价钱不平还人人有份，“你老细好好人！仲请唔请人呀？”、“好有心，畀心机做啦，火鸡在外国算是便宜，“整先系最烦，我住咁耐未见过人送急冻火鸡”、“通常外国先兴，不过都都系好老细，抵赞”。

部分人就质疑，老板提早送火鸡，同事们屋企的雪柜根本没空间放，很多时要吃火鸡都会外卖吃现成的，一般人“都唔识处理”，“边个有咁大个焗炉整火鸡，就算蒸，放得落只鸡，都冚唔到个盖”、“老板其实系咪想玩你哋”、“真系多X谢离地嘅老细”，甚至坏心眼说：“因住圣诞节送火鸡，农历年送无情鸡。”

（香港讨论区）