恐怖！老细偷睇员工通讯软件对话纪录　打工仔呻压力大终决定咁做

老板是人肉闭路电视？有打工仔于网上发文大呻，日前上司好心告知老板趁他外出午膳时，尝试开启其电脑偷看通讯软件对话纪录，幸好他吃饭前已登出软件。他直言，“恐怖情人就见得多，返咗咁耐工，真系第一次遇到恐怖老细”，更说老板的行为令他决心辞职。

该名打工仔投稿至fb专页“奴工处”指出，日前外出吃午饭后回公司，获上司告知老板曾趁其不在座位，尝试开启其电脑偷看通讯软件对话纪录，他心想老板“真系黐线”，幸好他吃饭前已登出软件。

他表示，老板平日每逢走过其座位，“都望一望我做紧咩，有时静静鸡企喺我后面望下我做紧咩”。他直言“精神压力真系好大，佢有能力将一个正常人逼到黐线，我决定离开，此地不宜久留”。

有网民笑言，“如果你老板个个都唔睇只睇你，佢可能钟意咗你”，有人猜测“系咪得罪小人，俾人打过小报告？唔系话帖主问题，不过呢啲嘢就无风不起浪嘅”。

有人建议，“下次试下等佢喺尿兜屙紧嘅时候企佢后面唔出声”、“以其人之道还治其人之身，揭佢啲私人对话畀老板另一半知”、“偷睇真心要拍台起身X佢，老板都系咁话”、“开你私人通讯软件可以告佢㖞”。

有网民分享经历，“我以前个阿姐坐我后面，佢日日无嘢做就喺到睇我做紧咩，lunch time（午膳时间）我用电脑嚟check（查看）下超市印花换咩公仔，lunch time后俾佢周围唱我钟意低能公仔，好后悔无反佢台”。

有人则说，“有啲公司会装好多CCTV（闭路电视），之后会放大个screen（屏幕）睇下你同边个WhatsApp，内容讲啲乜，同边个倾电话，听下你讲紧乜，而家你只系个老板企你后面咋，你算好彩啦！”。