咁都投诉？批生牛肉河“牛肉太生”　港女狂轰将军澳泰国菜3宗罪

【食物中伏／将军澳／泰国菜】“民以食为天”，不时有网民分享光顾食店中伏经历，但今次却惹来争议！有港女在社交群组发文表示，近日到将军澳坑口一间泰国菜叫了一碗生牛肉河粉，讵料发现3大“罪状”，包括“啲牛肉系血淋淋系完全生嘅”、“碗汤河又唔够热”、配搭猪红“九唔搭八”，大呻中伏，批评：“返回石器时代？”
帖文一出即引来热论，大批网民质疑楼主指摘无理，“生牛肉汤河点解唔系生”、“食生牛河想要熟牛？”，建议“你下次叫‘生牛肉河粉，well done’”；也有网民认同楼主说法，“我之前试过都系因为碗汤唔热，搞到好似食紧尸水咁，个味道真系十级难顶”。

该港女昨日（9月3日）在Facebook群组“中伏饮食报料区”发文，分享到将军澳坑口一间泰国菜吃一碗生牛肉河粉的中伏经历。楼主指出，该生牛肉河粉“啲牛肉系血淋淋系完全生嘅，碗汤河又唔够热，竟然系暖嘅，根本浸唔熟啲血淋淋嘅牛肉”，批评：“返回石器时代？”

楼主又不满该碗生牛肉河粉配搭猪红，“各位有冇见过生牛肉可会有猪红㗎？简直九唔搭八，基本上我食咗一啖河粉已经投降了”。她最后亦打趣道：“又系讨论紧唔食生牛肉点解唔叫熟牛河呢个议题啦。”

帖文一出惹来大批网民负评，认为批评无理，“生牛肉汤河点解唔系生？”、“食生牛河想要熟牛？”、“咁点解你唔叫熟牛肉河？”、“生牛肉河粉上台时啲牛肉一定系生，只不过生牛肉河粉系靠啲汤浸熟佢，你可以投诉佢啲汤唔够热，但唔可以投诉你叫生牛肉河粉啲牛肉系生”、“楼主我明你感受，同我上次去打边炉一样，上亲台啲食物全部都系生嘅，个汤底仲衰过你直头暖都唔暖”、“所以话香港人系至钟意投诉嘅……”。亦有网民建议楼主“你下次叫‘生牛肉河粉，well done’”、“拎去叮返热”、“叮熟佢”。

也有网民认同楼主说法，“我之前试过都系因为碗汤唔热，搞到好似食紧尸水咁，个味道真系十级难顶”、“汤本来应该系够热，但一般系牛肉未完全解冻系出事主因，怪师傅懒！！ 猪红就真系又啲奇怪”、“楼主不如你写清楚啲啦…

你系嫌啲牛唔靓，生食唔好味，而唔系嗌生牛但嫌唔熟啦…”。