靓女OL汗味劲臭　港男：垃圾味都无咁难顶　网民出招建议咁处理

“靓女除咗唔屙屎，都唔会有汗臭味㗎！（误）”有港男于讨论区发文大呻，有名坐在他前方的美女同事每早回到公司身体都散发一阵汗臭味，令他十分困扰，形容是“地盘佬+靓女混合体”，直言“垃圾阵味都无咁难顶”、“真系靓唔系大晒，脾气臭都唔及汗臭咁难顶”。港男无奈地问网民如何处理，“有冇啲婉转啲冇咁hurt佢嘅方法同佢讲？”。不少网民都抛出不同招数，除了直接跟对方说明，亦建议悄悄地送上香水、止汗剂等等。

该名港男于香港讨论区以“女同事有劲体味”为题发文表示，该名美女同事是新入职，形容“样唔错又高，眼大唇厚手毛多”、“大大只”、“黑黑实实”，应该是运动型女生，因他观察到女同事下班经常拿着1大包物品，内里装有球拍；而近月天气炎热，有时女同事穿吊带上衣回公司“几养眼”。

惟“靓女”非完美，他指出，女同事每早回公司都会脱下外套，身体就会散发出汗臭味，加上对方会开1部小风扇吹风纳凉，而且其座位靠近门口，每次开门“扯风”，汗臭味飘到后方，他就会“兜口兜面食晒”，每次经过对方座位“又食多次”，他大呼“佢返到嚟𠮶下我想死”，不过强调非臭狐味及没洗澡的噏味。

他续说，公司有4名员工，他与女同事较年轻，另有两名阿叔同事，他不知应如何开口对女同事说有汗臭味，“冇理由叫啲阿叔同佢讲㗎”，又说不想开数部小风扇将臭味吹回去，指出是“摆明犯众憎”行为。

有网民笑言，“靓女唔会有臭汗，‘周身汗臭’只系讲男人，女人仲要系靓女，只会系‘香汗淋漓’㗎哦！”、“其实女同事想你送支止汗剂、花露水、名牌香水畀佢！所以特登开大风扇，将啲混合女儿香+体汗味送畀你醒吓神！”、“有阵除啫！样靓乜都补翻晒啦！去沟佢啦！闻吓闻吓就惯㗎啦！”。

有网民指出，“系佢自己都唔想，但楼主都几辛苦，一齐做嘢困咗喺啲冷气度均匀散播”，并建议“放支止汗剂喺佢张台到”、“带个洋葱返公司挂喺隔板辟味”、“拍台，之后大喝一声‘好臭呀！’”、“有啲女人又系好污糟，都唔检点下，你留意下佢件衫有冇一浸味，有时啲人处理得件衫唔好一浸味”。