醉娃凌晨叫男友接返家被爆粗拒绝：佢话出事抵死　网民意见两极

醉酒不只不要驾驶，也不要打给男友？有女生日前发文，称因与久未见面的同性朋友聚旧时喝了不少酒，担心醉酒独自回家会出事，便凌晨传讯叫男友接自己，然而男友嬲爆拒绝，“饮醉叫男友嚟接，佢话出事系我抵死”，楼主伤心下正准备提出分手。帖文引来网民热议，网民意见两极，有部分人支持楼主男友，“唔饮得学人饮，出事就叫人嚟接”；亦有人认为楼主男友行为不妥，“唔接你又真系衰啲”。有人就认为楼主分手的决定正确，“归根究底都系唔夹，分都合理，你揾个肯半夜接你嘅，佢揾个半夜唔出去饮嘅”。

该名女生在Dcard发文，称其近日相约2年前到英国读书的朋友吃晚饭聚旧聊天。席间几位女性朋友点了酒喝，“点知太好倾都越饮越大”。众人散席时已是凌晨12时许，楼主怕自己喝醉“会出事”，因此传讯息给男友叫他接自己。但男友大怒拒绝，“佢不停爆粗闹我，意思就系唔嚟，出咩事都系我抵死”。最后楼主的友人帮她叫的士，又拍下车牌号等，念及男友“狠心”的举动，楼主坦言“喺的士上面心酸到喊，依家准备讲分手”。

帖文一出即引来大批网民留言，撑楼主的网民认为其男友态度欠佳，而且应以女友安危为优先，可以先确保她安全归家再讨论此事，“楼主酒量唔好饮多咗系欠自制力保护自己，但唔代表佢受男方恶劣态度对待系应份㖞”、“其实而家原po系想讲‘男朋友个态度真系好差’”、“唔肯接都可以帮女朋友call车返屋企啫，乜都唔肯做好过份”。

不过撑男友的人就觉得是楼主不重视自己安危，没道理要男友负责，又认为楼主不够体谅男友，应自我检讨，“凌晨12点要人即刻出嚟接，如果返咗一日工好攰／第二朝要早起都真系搞唔掂”、“你谂下佢冲完凉准备瞓，搭车出去接你再返屋企冲多次凉，系人都攰”，甚至有人认为楼主男友“闹得啱”，“下次就系饮醉系酒店起身自己着翻衫后打畀男友叫佢嚟接你”。不过楼主就回应“我依家有饮醉系酒店瞓醒咩？我醉醉地想有个人可以陪我安全咁返屋企做错咩先？”。