批少女坐关爱座不让座　荃湾知源玩具一句公审惹公愤：后生系罪？

“关爱座”原意是让有需要人士使用，却常因让座问题引来批斗。“荃湾知源杂货玩具”于Facebook发文“公审”一名坐在港铁关爱座的少女，不让座予老人家，批评“社会唔同咗”，结果帖文反而惹来网民公愤，斥知源玩具店“后生就系罪？”、“如果个女仔系M痛／肚痛呢？”、“祸从手出”。知源玩具店之后回应“见到大家笑我哋咁开心，三十几度大家笑降下温”，但未能平息网民怒气，责骂声更升温。

荃湾知源玩具店周一（7月25日）于Facebook专页“2.0荃湾知源杂货玩具”上载一张于港铁车厢内拍摄的照片，表示“社会吾（唔）同左（咗）”。从照片见到，关爱座上疑似坐着一名少女，旁边靠门栏杆位则站着一名老人家，而知源玩具店称：“这少女望见班老人家好几眼。但冇反应（图中仲有四位银发族企在侧）。”

知源玩具店“公审”少女帖文引来网民公愤，指关爱座是让有需要人士使用，“如果个女仔系M痛／肚痛呢？”、“有时需唔需要坐唔系单靠‘年龄’分㗎，睇嘢唔好咁表面啦，老板”、“盲嘅要记得写张纸，畀埋盲人证先好话自己系盲啲Friend？”、“返工1日要企足8-10个钟，好辛苦㗎，休息下坐下都唔得？”、“头痛M痛作病要广播话你知呀？”、“或者个后生女唔舒服／脚痛／贫血头晕。呢啲嘢，由张相系睇唔出来”。

网民又斥责玩具店“祸从手出”，“又想玩公审？后生就系罪？”、“讲得啱，社会真系唔同咗，以前唔会有公审post”、“批斗座唔系流”、“让座系美德，逼人让座系缺德”、“优先坐系让畀有需要嘅人坐，任何一个人都可以系有需要”。

面对网民批评，知源玩具店回应“好开心，大家自己都有表达见解。见到大家笑我哋咁开心，三十几度大家笑降下温”，并说“我哋都休息下”，结果令网民愤怒升温，“讲句sorry咪得，系要咁多借口”、“你就系个笑话啰”、“公审完人，围唔到炉就话畀啲野大家笑下”。