老公欲移民英国　港妈列5大顾虑挣扎：为细路放弃自己同上一代？

“系咪有考牌嘅父母就一定拣移民？唔移民就系罪人？”移民潮掀起全城讨论，有港妈发文指，其丈夫很想移民英国，认为“为咗下一代应该要走”，但她却指出移民的5大顾虑，不但要放弃本来专业由低做起，又怕未能适应外国生活，亦担心丈夫并非神队友，到时孤立无援。她感叹问“系咪一定要为咗细路，而放弃自己嘅理想同上一代？”，言论引起一众网民热议。

该港妈日前投稿至facebook专页“生仔要考牌系列”，长文大呻自己对移民的想法。她指丈夫很想移民英国，不时提起“识得边个边个又走，边日又要去farewell”、“边个又问我哋拖住两件细嘅点解仲未走？”等话题，几乎每日洗脑式播放移民英国人士的YouTube影片，“好似想话我知，全世界都走，得我赖死喺度”，令她感到困扰，“有冇人理解过我有顾虑嘅原因？”。

她指自己是1个在职妈妈和专业人士，现在的工作需要读书、实习、考牌才获得，无论性质内容、工时工资或人事关系都颇满意现状，但如果移民外地，不但要重新经历读书、实习、考牌的过程才能做回老本行，而且亦未能得找回1份有固定上班时间及方便照顾小孩的工作。至于转行由低做起，港妈坦言自己没那么潇洒，“十年寒窗终于有少少成就，突然间由零开始，又要重新为事业打拼，我呢刻仲未可以跨过心理关口”，而且“试下嘅机会成本太高”。

港妈自言并非适应力强的人，“自幼稚园升小，升中，再到升大学，每次我啲情绪都会或多或少受到困扰，需要学校社工、老师或亲友辅导我一轮先得”，因而对适应外地生活信心不大，“天气、衣食、交通，个人都系认为香港更胜一筹，好似我咁怕冻，唔识煮饭又唔识揸车，去到英国要适应嘅嘢又多几样”。她又表示，丈夫不是“神队友”，平时一有时间只会玩电话或打机减压，对着小孩都是机不离手，找他帮忙都要三催四请，怕到外地更没有人救援，“冇长老又冇工人姐姐帮忙缓冲下，老公又继续系咁的话，我一个人冇晒缓兵点搞？”。

另外，港妈亦指希望小朋友能熟悉母语广东话及学习中华文化，但如果去到英国就没动力学，亦不能学以致用，“我唔系反对细路去外国留学，只系大𠮶个而家先读幼稚园，我想等佢哋对自己语言同文化有基本认识先，再送佢哋去外国扩阔眼界，难道有错？”。

最后，丈夫强调“为咗下一代应该要走”，她认为下一代固然重要，但“但上一代系咪就唔使理？”，很难狠心丢低他们置之不顾，“平日顾两个细嘅，都已 经冇咩时间尽孝。如果直头远走高飞，连见面饮个茶都做唔到，我觉得自己好不孝”。

她无奈感叹道，“，究竟呢一刻唔举家移民，系咪等于推小朋友落火坑？系死路一条？我唔想做千古罪人”。

▼2021.6.30机场送机情景▼

港妈的分享引起网上热议，有网民认为每个人都有自己考虑的情况，“唔好畀啲人情绪勒索你话移民一定系对仔女好”，又指“点解一定要走先系好？如果唔想走，将来都可以送小朋友出去读书，无问题㖞”、“最紧要唔好冲动”、“路永远唔止一条，睇各个人点行”。

但另有网民批评，港妈只顾着自己，“你句句都系我我我我，你问心留香港系咪为小朋友最好啦，你系唔能够为小朋友放低自己香港嘅嘢”、“见到好多借口，老实啲讲唔舍得份人工咪算”、“而家有能力唔走，到时如果仔女埋怨你做乜要留时，记得唔好呻”。