业主疑隐瞒平台曾有人堕楼　港妈租楼中伏蚀按金弃租：用钱买教训

香港土地问题严重，要寻得安乐窝并非易事。有港妈日前大呻租楼中伏经历，称看中美孚1个平台层数单位，与业主直接洽谈后决定签约租住。没料签约翌日便发现单位外的平台原来曾发生有人堕楼死亡事件，顿时决定退租，同时质问业主，惟对方竟指“冇问就冇讲”，更要求没收1个月按金作为赔偿。港妈直指事件令她愤怒又困扰，狠批涉事业主“唔诚实无良心”，大叹用钱买教训，呼吁一众街坊小心。

该名港妈于facebook群组“Mei Foo 美孚”发文，称与家人首次租楼，在网上看到业主自行放租的帖文，看中美孚新邨4期1个3楼平台单位。她指睇楼时曾问及业主单位有否特别情况，“包括有冇人跳楼同近期好hit嘅老鼠问题”，对方未有正面回答，“好叻咁轻轻带过平台系大厦外面嘅地方唔会属于凶宅，冇老鼠问题等”。

港妈于是决定签约，没料翌日翻查资料竟发现，单位外的平台3月尾曾发生有人堕楼身亡事件，“正正跳喺单位外，即刻问业主，佢话我冇问过”。她指因与2名小朋友同住，顿时决定弃租，惟业主却称“你冇问就冇讲”，更要求没收1个月按金作为毁约赔偿，令她非常愤怒，“系吖，你单位唔系凶宅，只系有人死系你平台窗前啫。阿业主，你自己案发后1个月都冇就即刻全家搬离再放租揾水鱼，你唔惊，觉得冇问题又点解要即搬”。

港妈事后质疑业主刻意隐瞒，直言如早知曾有堕楼事件，必定不会签约，“我气愤嘅系业主无诚信同无道德，如果一早同我讲，系我个人考量问题，而唔系之后俾我发现就话我唔应该介意”。她坦言今次“用钱买教训”，指业主已删除旧有帖文，提醒街坊小心，“地产Agent同律师同我讲，经佢哋就一定会披露，平台中招未必mark喺land search（土地查册），自让佢唔讲你唔知”。

帖文引来美孚街坊关注，有人批评涉事业主毫无诚信，“佢咁唔老实，仲要自己搬走，再隐瞒事实想租出去”、“业主系冇良心㗎，但又真系唔计凶宅，佢冇讲大话，不过披露资料唔全面”。亦有人认为楼主买楼租楼前也有责任自行做足功课，“楼主咁在意就租前要research定，上网睇新闻或者直接问下管理员、隔篱邻舍”、“对于你嘅经历深表同情，租屋买楼真系要自己做足功课，唔好只听业主同agent 讲，就算land search冇嘢都要睇埋该区新闻，甚至问埋座头保安”。

同场加映：租客欠租突通知将搬走　业主忧变租霸求救　网民话呢招先系上策↓↓↓