单身独居女上司染疫出口术呻缺药又怕无外卖　下属：想我哋买去？

第五波新冠肺炎疫情严峻，每日新增个案逾万宗。有打工仔早前于讨论区发文，指女上司不幸染疫，获同事们问候之后，疑“出口术”特意提到缺乏药物，又担心外卖不会送上门，令同事也疑惑对方是否希望有人送物资。楼主指，如非上司住得较远，自己亦有意帮助，不过同事们讨论过后，最终决定不再提及有关疫情的话题，以免上司再提出要求。

该名打工仔于香港讨论区发文，称女上司独居而且单身，上星期不幸染疫，曾表示深受喉咙痛之苦，“佢就话自己而家喉咙好痛，连吞口水都觉得好痛，瞓觉都瞓得唔太好”。同事得知消息后也纷纷关心，“大家都有关心下佢身体点样，叫佢要食喉糖，饮蜜糖水𠮶啲”。

楼主指，上司其后向一众同事表示，家中缺乏针对纾缓喉咙痛的药物或喉糖，又很担心叫外卖不愿送上门，更疑曾“出口术”，“话‘自己一个人住呢啲位就咁唔方便，如果有人可以帮到下自己就好，阿同事Ａ好似住我屋企附近，不过佢今日放假，唉…’”。同事们闻言不禁私下讨论，疑惑上司的话是否有背后意思，“大家都讨论紧上司其实系咪想我哋买物资上去畀佢”。

楼主坦言，上司平日对同事不错，若非对方住得较远，“其实我都会想帮下佢”，不过同事们却各有看法，“有啲同事话自己屋企有老人家又有小朋友，唔敢拎嘢上去畀佢；有啲同事话同佢都唔熟，费事走上去啦，上咗1次点知会唔会仲有第2次”，最终众人决定不再提及相关话题，以免上司再次提出要求。

网民看过帖文也认为，近日疫情严重，若在能力所及范围大可伸出援手，“帮得到咪帮啰，最多咪一次过问晒佢要乜，买到几多得几多”、“送到门口，唔入屋，冇几危险啫”、“帮咗上司，第一系做好心，第二大家始终系同事，互相帮忙好应该”。

有网民更指出，若楼主愿意帮忙或对日后工作有利，“机会嚟都唔识争取，对工作都有帮助”、“上位就系呢啲时候”、“仲唔帮手？上位靠呢铺”、“可能已有几个同事私下联络佢，问佢需要乜送上去”。

同场加映：40岁女上司疑睇中27岁男下属　搭车挨膊头　网民笑：仲想唔想努力