女友拜年阿妈乱讲嘢　1句话累阿仔陷感情危机　网民：伯母识玩！

常言“不怕神对手，只怕猪队友”，怎会估到令自己陷入感情危机的竟是亲生妈妈？有港男在网上发文分享“中伏”经历，指日前女友上门向其家人拜年，原本一直相安无事，惟妈妈突然“乱讲嘢”，竟在众人面前说了1句话惹来天大误会，连累他被女友怀疑，即使多番解释对方仍不相信，不禁大呻：“真系俾老母玩死！”

该名港男于Dcard讨论区发文，讲述被妈妈乱讲嘢影响恋情的经过。他指妈妈不时乱说话，“讲嘢唔经大脑”。数天前女友到他家中食饭及拜年，没想到妈妈仍“唔识做”，一见女友便当面说：“你上个礼拜带返嚟𠮶个唔系呢个嚟㗎㖞！”

楼主闻言大感愕然，一时不知如何反应，只好即时打圆场，称“阿妈新年流流，你唔好攞呢啲嚟讲笑”，又回想“对上一次带女上去已经系3年前，系以前个女朋友”，没料妈妈竟然记错，“仲要当住全部人面咁问”。他指女友听到妈妈的话即时生疑，即使他多番解释不获信任，“我女朋友到而家仲唔肯信我，X！真系俾老母玩死”。

帖文笑翻一众网民，笑称“伯母识玩”、“你话阿妈有阴阳眼，睇下兜唔兜到”，又纷纷讨论楼主妈妈是单纯“乱讲嘢”还是另有目的，“摆明阿妈唔钟意啦，你当佢傻㗎咩”、“系咪唔记得畀家用？定其他嘢得罪咗佢？”、“会唔会你妈无记错，系你身后有嘢呢？”、“试下畀家用，或者畀多啲家用”。

同场加映：台女炫耀被约睇夜景　老豆自信爆棚打赌$500　1句话测试男友人品

同场加映：港男交友App沟女　约会1句话即被追问家底：而家追女仔要查家宅？