裙脚仔男友事事提“阿妈话” 港女忍无可忍分手：比渣男更得人惊
恋爱中有第三者当然不能忍受，如第三者身份是伴侣的家人，难顶程度或更严重！有港女近日发文，称最近终于跟男友分手，原因是对方所有事只交由妈妈决定，甚至希望她也一同跟从，令她“压力山大”，直指比起遇上渣男，更难忍受没有个人主见，事事只按家人意见而行的“妈宝”男。
“系唔舍得㗎，不过好行唔送！”该名港女于Dcard讨论区发文，指日前向男友提出分手，“原因系佢真系冇主见到任何嘢都问佢老母，由佢老母帮佢决定”。她指与男友交往初期仍未“见真章”，沟通愈久便发现，对方有1句口头禅“阿妈话……”。
楼主称，男友事无大小也要征询妈妈意见，小至约会食饭选择餐厅，“佢话‘阿妈话呢间麻麻哋，我哋换第二间啦’”，大至两人旅行的地点，“疫情前最后一次去旅行，我想去欧洲，佢话‘阿妈话亚洲以外地方咁贵唔值得，我哋都系去台湾或者泰国啦’”，还有日常生活中更多的琐碎事，“日常生活中嘅‘阿妈话’多到数唔晒”。
她又忆述，自己因坚持到外地作交换生与男友争吵，对方竟再次搬出妈妈作理据，“嘈到一半佢突然爆咗一句话：‘即系我觉得你去唔系问题，但系阿妈话外国而家疫情仲系好危险，怕你到时exchange完唔知带咗啲咩病毒返嚟传染佢哋老人家，所以你都系唔好去啦，唔想佢哋唔开心’”。事件令她对男友“彻底死心”，慨叹：“关于我人生嘅事我唔开心唔紧要，但系你阿妈唔开心就唔得，就要我牺牲？真系冇得救㗎喇！”
楼主坦言，过往的恋爱经验曾遇过大众公认的渣男，“可以下昼俾我朋友捉到拖住另一个女仔喺超市买𩠌煮饭仔，打电话畀佢𠮶下仲同我讲佢喺公司OT紧”。不过这任男友却令她觉得毫无主见的男友更难接受，“我真系接受唔到人生任人摆布毫无主见嘅人，潜移默化就会影响埋你自己嘅决定”，因此决定狠心“斩缆”。
帖文引起不少女生共鸣，直指无论如何也不会选择“裙脚仔”作为男友，“100%都唔会拣垃圾妈宝，永远都系阿妈大过女朋友，迟啲结婚惨过做阿四，好少见妈宝会因为女朋友而唔做妈宝”、“我觉得呢啲冇自我嘅人同边个相处都好难”。
不过也有人认为渣男更恐怖，“如果有一件事佢阿妈没有想法，佢系唔系会听你讲先？但系点都比渣男好吧”、“自己觉得渣男得人惊啲，佢最多都系冇主见，渣男系直情X街”、“点解讲到男人好似得返渣男同妈宝，两个要2选1咁，两个都唔好要啦”。
同场加映：男友多番推却同居 1句话揭原因关阿妈事 港女斥：原来系裙脚仔
同场加映：妈宝男生升大学乜都惊 想带埋阿妈住宿舍：怕遇到不好的室友