阿叔搭港铁饮汤！港女贴相公审：饮到雪雪声　1原因反遭网民围攻

虽然港铁早有规例列明乘客不得于港铁付费范围或车厢内饮食，但违规行为时有发生。有港女日前搭乘港铁时，于车厢内看见1名阿叔公然喝汤，形容对方“饮到雪雪声”，遂拍照公审到网上，却反而惹来网民批评。

不少网民认为楼主多事，“你当场唔问？post上嚟有咩用？”、“边个唔想坐定定慢慢食，要食到咁狼狈？”、“可能佢真系好肚饿”。但有留言力撑楼主，认为阿叔行为的确过份，“黐X线，饮汤都包容？睇嚟下次可以打埋边炉”。

阿叔港铁车厢内饮汤　女乘客：饮到雪雪声

该女乘客在threads帐号发帖，指目击1名阿叔公然于港铁车厢内喝汤。从她上传2张照片所见，有阿叔搭乘港铁期间，饮用1碗以胶兜盛载汤水，饮用过后便将胶兜放回背囊中。虽然相中未见他有弄脏座位或地面，但帖主就形容对方“饮晒成碗汤”、“饮到雪雪声”，看不过眼遂发文公审。

网民反批楼主多事：又无整污糟地方

虽然阿叔于港铁饮汤属于违反港铁附例，但许多网民反指楼主多事，“咪X咁多事啦，就系你呢啲人，po上网出嚟害人”、“你当场唔问？post上嚟有咩用，又无整污糟地方，饮啖嘢啫唔使咁呀？又唔系开大餐”、“好似有少少情有可原，人唔多、无整污糟、饮完有手尾”。

网民猜测阿叔有苦衷　奉劝他人体谅

有人估计阿叔有苦衷，劝吁他人体谅，“睇到系几心酸，边个唔想坐定定慢慢食，要食到咁狼狈？”、“唔系做清洁就系做地盘，一系无合适地方食饭，一系无时间，体谅下”、“同埋以佢嘅装束，应该系啱啱收工，其实真系唔需要咁mean”、“可能佢真系好肚饿”。惟有留言力撑楼主，“黐X线，饮汤都包容？睇嚟下次可以打埋边炉”。

（threads＠smallflower1985）