港女拾银行失卡放进邮箱惹热议　网民斥帮倒忙：邮局非失物认领处

若拾到失物，应尽快交去警署！有港女日前拾到1张银行失卡后放进港铁站邮箱，并于网上公告事件，盼失主留意到帖文，知悉银行卡下落。结果引来另1名港女转发批评，指斥原帖主未有遮盖银行卡上个人资料就拍照放上网，又担心放进邮箱反而更难寻回，并指出邮局并非失物认领处，批评“呢啲真系叫帮倒忙”。

有网民表示，若拾到银行卡等失物，可直接交去银行或警署。而香港邮政就曾于社交网站发文提醒，邮筒用作寄信，切勿放入其他物品，“大家紧记唔好将其他物件，无论系电话、证件抑或系银包，放入邮筒呀！当你执到财物，尽快将佢哋送到附近嘅警署！”。

有港女于Threads发文表示拾到1张银行失卡，照片可见，她将银行卡放进港铁站邮箱中，但未有遮盖卡上个人资料。她于帖文写道，“关先生，我真系唔得闲帮你交去警署，都唔得闲去银行，因为我赶住返学考试，我已经掉咗落信箱，希望汇丰职员快啲联络你”。

港女拾银行失卡放进港铁站邮箱

有另1名港女其后截图转发，批评道“大癫，关先生真的多得你唔少，已firm唔会拎得返张卡rip，张卡资料冇遮show晒资料畀人睇，邮局系攞嚟寄信唔系失物认领处，唔识fact check？呢啲真系叫帮倒忙”。

未遮盖银行卡资料遭网民批评

不过由于楼主截图转发时，也未有遮盖银行卡资料，故引来原帖主留言指出“你而家都同我一样，成为分享佢个人资料嘅一员，anyway I'm sorry”，原帖主亦表示已删除帖文，又称“卡主已经揾咗我”。

楼主于留言处道歉说“我明我cap得唔好就咁摆上嚟”，指出“发po原意唔系要share人哋资料，而系事主处理方式，你太忙大可以交畀地铁职员帮手，就算真系要放邮箱度都包返好先写返先？Btw张相好低清我冇zoom近，请问真系会睇得到（个人资料）吗？”。

有网民留言说“边睇到呀？我睇唔到㖞”，楼主回复“咪系，关生不会蠢到用返原卡number啦”，认为会“即刻冻结呢张，办返张新”。

网民：唔得闲就唔应该帮人执起

其他网民批评原帖主，“最好笑系佢唔得闲又要执，唔执好过执”、“唔得闲嘅话一开始就唔应该帮人执起”、“其实最啱嘅做法就系张卡剩系show名+卡no.头几个号码，其他嘢全部遮晒佢，佢成张卡咁po出嚟的确戆X”。

有网民表示，“最奇怪系唔交畀MTR啲职员但掉落邮箱”，有人回复说“如果非MTR范围执到，啲职员未必受理” ，亦有人认为“其实张卡唔见咗咁耐，正常人都已经cut咗加开新卡，点会仲去拎”。

网民：做个好心都要俾人批斗

有网民指出，原帖主本意是想帮人，即使用错方法，也不应苛责，“不想被坏人执咗去碌卡”、“而家啲人真系黐X线，做个好心都要俾人批斗，系呀佢的确拣咗个唔系几好嘅方法，但系始终都系一片善意，而且信用卡CVV都冇影到，都仲有一道防线”、“明明佢可以当睇唔到，行咗去，但系佢拎去邮局（邮箱），佢出发点系好，只系唔识处理，可以话畀佢听下次唔好咁做，但唔应该批评佢，咁样只会搞到香港人更加冷漠”。

网民讨论拾到失物应交去何处

有网民就讨论若拾到失物应交去什么地方是最好，有部份网民说可以掉进邮筒，“我记得以前老师教过，执到身份证但又拎唔到去差馆的话，可以扔入邮筒”、“抌落邮箱都系去警署或者银行，冇理由叫人哋袋住喺身”、“我之前有唔见嘢都系人哋掉入邮筒，过两日我就收到警局send email畀我攞返失物”。不过就有网民批评，“加重邮局职员不必要嘅负担”、“唔知由几时开始啲人执到失物就会抌落邮筒，邮差真系多得班人唔少”。

有网民指出应直接交给银行或警署，“其实最好嘅做法就系交畀银行或者警署，佢一定会揾到失主，咁就真系帮到人，唔系帮倒忙”、“悭时间做法系抌落𠮶间银行嘅支票箱，最稳妥方法系直接送去是但一间分行”、“上次执到卡打畀银行 佢话因为认证唔到身份，所以冇咩做到，叫我揾个柜员机食咗张卡佢就得”。

香港邮政：勿将失物放进邮筒　应交去警署

香港邮政于去年10月曾于社交网站发文指出，“提提大家，邮筒系用嚟寄信㗎！所以大家紧记唔好将其他物件，无论系电话、证件抑或系银包，放入邮筒呀！当你执到财物，尽快将佢哋送到附近嘅警署！咁样失主先可以去攞返件失物㗎！”。