同事饮茶夹钱拒“除大数”！1招计到尽极庹缩　全网看傻眼斥肉酸

不少上班族都会于午膳和同事外出吃饭，日前有打工仔分享遇“庹缩”同事经历。事缘他和同事外出饮茶，最后计算总数时每人应付105元，其中1位同事拒绝“大数除开”，要求撇除他没有吃过的数碟点心，再付相应金额，故被其他人嫌弃为人斤斤计较，有同事更嫌弃称“下次饮茶唔好预佢，搞到咁麻烦！”。

网民都一面倒批评该同事，形容其“极品”，“以为自己好均真，其实就犯众憎”、“咁样真系好肉酸”，同时嘲讽“出到嚟社会何必咁计较，佢系咪做会计？”、“叫佢下次带个电子磅去食”。

打工仔午膳偕同事去饮茶

该打工仔投稿至threads“奴工处”专页，分享日前午膳和同事去饮茶，顺道邀请另一个部门的某位同事。当众人点叫点心时，为了以示尊重，循例先询问大家有没有个别点心想吃，便会优先下单那些点心。

同事拒“除大数”　更提出1方法计到尽

直至最后夹钱时，负责付款同事便向另一部门同事称，“头先每人夹返$105，PayMe或者FPS都OK！”。对方当时要求查看单据，之后竟表示“头先我有讲我唔食萝卜糕、鸡扎、奶皇包、叉烧包同埋春卷！唔好计我呢几碟？”。

被众人嫌弃麻烦：下次饮茶唔好预佢

负责付款同事闻言很诧异，向对方解释“我哋一向都系大数除开，除开无咁难计㖞！”，但对方拒绝“除大数”，坚持要求同事先撇除以上数碟点心，再将总数除开。付款同事最后只好照办并收取对应金额，但事后却向他人强调“下次饮茶唔好预佢，搞到咁麻烦！”，事主亦有感那位同事实在太计较。

网民斥肉酸：以为自己好均真，其实就犯众憎

许多网民批评该同事为人“极品”，“时常都话唔识做人惨过唔识做事，一百几十蚊social费都唔肯畀”、“以为自己好均真，其实就犯众憎”、“最憎呢种人成日扮有原则，无所谓无下次之嘛”、“饮茶105蚊算抵”、“咁样真系好肉酸”、“呢啲人只适合独食”，又揶揄对方“出到嚟社会何必咁计较，佢系咪做会计？”、“叫佢下次带个电子磅去食”、“咁公司有好多嘢都唔使佢做，系咪可以扣粮？”。

应对“庹缩”同事方法

有人则提议各种方法应对如此“庹缩”同事，“下次叫佢喺隔篱开张台，自己食几多计几多就最好，饮茶都咁计法”、“要咁样计都得，张台12个人叫酒楼开12张咭或者点餐code，同台食饭各自修行，不过要咁样食饭就唔好去好过”、“咁计佢食咗啲咩逐粒计啰，一粒虾饺都值10几蚊”、“我都有呢啲同事，食过一次嘢就唔会再有人叫佢”。

（threads＠slavedepartment）