租住未来奶奶物业被禁换家私 港女呻要交租却失自由：做嘢都无台
不少情侣为了营造二人世界，会选择租住物业过同居生活，然而租楼背后暗藏学问及危机。有港女于连登讨论区发文，指与男友计划同居时，对方家人刚好置业，男友遂坚持租住妈妈的物业，当作“益自己人”。搬进新居后港女才发现部份家私并不合用，打算购入书台方便工作，却被未来奶奶、即物业业主拒绝，令她大感失去自由：“连卑微到想要张台都唔可以。你系我，你仲会唔会租？”
连登网民“黎明空肚食早餐”以“奶奶做你租户业主，你制唔制？”为题发文，称近日计划与男友同居，刚好对方妈妈有1层空置物业，男友便坚持搬进去。楼主称，与男友各自分担一半租金，指现时的租金水平其实能在楼市找到相若尺寸的单位，“男朋友同佢屋企就觉得既然都要交租，点解要益外人？同埋一手楼唔想第一次租畀街外人，咁我就硬食啰”。
楼主指，未来奶奶本身打算置业投资，“谂住连家私租出去”，得知她与男友打算同居便“系咁叫我租佢哋𠮶度”。她又指其公司提供了租楼福利，“提供租约系可以扣落人工度，咁租金咁甘，一扣就好易去到唔使交税嘅bracket（等级）”。可是向未来奶奶租住物业没有正式租约，她只能作罢，“因为有租约就变佢哋要交税。咁我呢啲低收入人士，要交嘅税都唔系超高，咁算啦”。
没想到放弃福利只是其次，2年过去，楼主渐渐发现更多租住奶奶物业的缺点。她指过去1年受疫情影响，大部份时间也在家工作，但因家中没有属于她的书台，令工作极不方便，“其实搬出嚟都系想有个自己嘅空间，而家租又交咗，但自由仲少过之前，连卑微到想要张台都唔可以”。
楼主说，曾要求更换梳化，再自费购买小型书台，但即时遭到未来奶奶拒绝，因而感到非常无奈，“我谂大家都明有自己一个小角落嘅重要性，而我喺屋企，真系冇一个停泊嘅地方”。她大叹，讲述事件除了抱怨之外，“都想同咁多有睇嘅女仔讲返，有时拍拖真系唔止两个人”，直指男友待她很好，但对方的家庭的确“好影响我仲行唔行落去”。
不少网民看过帖文纷纷表示，她缴交了正常水平的租金，理应获得一般租客的待遇，“你话每个月你畀2千蚊象征式交下租，咁都叫有理由忍下。我正正常常咁租或者平1000几百嘅就真系冇必要忍啦，正常租得返嚟就系你哋2个人嘅事”、“如果租金唔系超低，只系低市价少少，楼主都系搬出去把啦，你男友屋企奶尽着数仲要唔畀换家私”、“间屋唔适合住，点解仲要格硬留喺到？又唔系唔使钱，叫你奶奶租畀街外人，佢又可以收贵啲租，你又可以有私人空间，winwin”。
亦有人认为楼主可先向男友施压，让对方明白其处境，“一，霸你男朋友张台嚟用，影响到佢佢先会解决佢嘅问题；二，个租金至少要平到你悭税𠮶笔”、“买张同你男友一样大嘅台，佢嘈你咪话大家一样大啰，奶奶嘈咪话冇计要做嘢啰”。楼主其后亦回复称正尝试“入侵”男友的书台，惟担心未能成功，“我战斗力好弱，希望唔会畀佢讲两讲就让返畀佢”。
同场加映：老公付$6000家用 高薪港妈负责租楼供书教学保险请工人：决离婚
同场加映：妈妈过世2年未释怀 老爷奶奶暗寸无娘家 台女：我还有爹，好吗
同场加映：港女结婚遇阿妈野蛮要求