荃湾食米线惊见曱甴？ 食客报食环 舖头斥抹黑：点会食完先见到
撰文： 谢茜嘉
出版：更新：
出外进食的人，总想食店食物卫生，有网民近日光顾荃湾一米线店，几乎吃完时才惊见碗入有只大曱甴浮面，他拍照上载facebook，批评米线店卫生有问题，又指已向食环署投诉。涉事米线店其后于facebook专页怒斥有人故意抹黑，引来网民热烈讨论，部分人睇相已称顶唔顺，“见到都想呕”、“实食到肚痛”。
下载“香港01”App ，即睇城中热话：https://hk01.app.link/qIZYuEC5LO
自称食中曱甴的网民于fb群组“中伏饮食报料区”上载相片，表示于上周二（13日）晚上时分光顾荃湾一米线店，吃了大半碗时突然惊见有只大曱甴浮于汤面，非常恶心，她指事后已向食环署作出投诉。
帖文传开后，有关米线店于fb专页撰文，怒斥是有人故意抹黑，“我相信大家都睇得出，如果咁大只会唔会食完先发现，此人动机大家都谂到”。
事件引起网民热烈讨论，部分网民支持米线店，“呢啲低庄手段太冇新意”、“食咗咁多次，绝对相信你哋嘅食物品质”。亦有网民质疑事件真伪，“其实有咩可能系煮𠮶个见唔到，食𠮶个先睇到”、“咁大只冇可能食晒先见到”、“如果食剩半碗先见到，其实只曱甴又有几大”。
但亦有网民坦言被相中恐怖曱甴吓倒，“咁得人惊，佢成日唔开可能都储埋好多大强啦”、“楼主好惨，一定好大打击”、“畀着我一定拍晒台闹”、“今次真系一世难忘”、“以后出街食饭都要捞吓个底先食”。
《香港01》曾向相关米线店作出查询，现正等候回复。
（fb群组“中伏饮食报料区”）