【何鸿燊逝世】风流赌王传世金句 回应“五奶”传闻：四个够晒数
澳门赌王何鸿燊自2009年起抱恙退隐，其后入住养和医院休养，一度传出病情转坏需送入深治切治疗留医（ICU），何家各房太太及子女其后轮流到养和医院探望，及后情况转趋稳定，偶尔也能在其子女社交帐号看到赌王的最新情况，看起来精神尚可，惟至日前突传其病情转危消息，至今午（5月26日）终确认,一代赌王何鸿燊病逝，终年98岁，令不少网民大感不舍。
情场上风流倜傥、商场上灵活变通的何鸿燊，历年来金句不绝，每次在公众场合出现，一言一行均备受关注，当中的风趣与睿智，绝对经得起时间考验。
下载“香港01”App ，即睇城中热话：https://hk01.app.link/qIZYuEC5LO
关于感情
●回应另有五奶传闻：我无咁嘅本事，四个够晒数。
●86岁生日，照惯例与各房庆生：走到气咳，食到呕凸！
●争产风波现身读声明：我呢的确呀，为呢次风波，搞到我自己唔开心，屋企人亦唔开心，因为呢，我呢十年来，我好惜我屋企人，未试过采取你又告我，我又告你。
●教男士惜老婆：男人对老婆一样要三从四得，就是老婆化妆要等得、闹人时要忍得、买东西要舍得。
笑容要似哈巴狗，但千祈唔好沦为“烚熟狗头”，对情人、太太都要好，所以要送九卡宝石同九九九九金饰。
●教女士要有矜持：如果男朋友约你食嘢，你就饿狗抢屎咁，乜嘢男朋友都走晒啦！
●狗年被问生仔定生女好：如果生女似老虎狗、乌嘴狗，咁就难出手啦？生得靓时锁又锁唔住，所以最好生狗仔！
●回应女儿何超琼欲向前夫许晋亨借种传闻：我一滴都唔赞成！
关于事业
●忆述年少时家道中落曾贫穷潦倒：当时穷起上嚟𠮶阵时，啲人另眼相看，见到我都运路行，惊我同佢借钱，故此我尝过呢个味道，就识得要发奋。
●1941年日本侵掠香港，时为港大生的何鸿燊逃亡到澳门：喺香港，我打过十几日仗，好危险嘅，譬如畀佢（日本军）一知道就拉去赤柱坐监，故此我用一个难民身份去咗澳门。
●劝人不要沉迷赌博：我一向劝人哋将赌博当系玩耍、娱乐，但系千祈唔好过份赌，过份赌未必有得赢嘅，因为我系抽水嘅，但啲人往往唔听嘅。
●谈及澳门赌业对手金沙裁员：金沙咁骄傲，骄者必败，呢次乜嘢架都丢清。
●勉励年轻人要发奋：我一路呼吁后生𠮶一辈人士，我话唔好接受个answer no咁容易，我一生人唔听个“No”字，一定要搞到“Yes”为止，呢点系好重要。
评论时局
●撑曾荫权参选特首：我认为曾特首是一枝独秀，自动当选。
●2005年批评前特首董建华推出八万五政策：迫我讲咗七年大话，年年都话 (楼市)就快好番，大家放心，一定得，实系揞住个心讲。
●西九政府拟单一招标，何鸿燊反对提出拆细招标方案：（单一招标）是将大礼送给一个发展商，都肥到着唔到袜，好世界到不得了，重要畀封大利是佢！
关于养生
●86岁时在泰国因灌肠通便受伤：得咗全世界最邋遢嘅病。
●80大寿谈及养生称要学伯公何东爵士：蛇虫鼠蚁秋收冬藏，男性雄虫都一样秋收冬藏，所以佢一到秋天就同太太分房瞓，一路都冇交易！