印尼海啸家人失踪　印佣急回乡　港雇主：又唔系死咗只系失踪

印尼巽他海峡（Sunda Strait）上周六（22日）晚发生海啸，最少造成373人死亡，逾1400人受伤，另有128人仍然失踪。有香港雇主在讨论区发文表示，印佣哭诉联络不到印尼的亲人，希望放假回去找他们，但该名雇主以无人照顾家中宠物为由拒绝，不但称对方“事先一个月冇通知我”，更表示如果印佣的亲人走了“到时搞白事自然畀你放啦”， 帖文一出，即引来大批网民批评，直斥楼主凉薄冷血，“估唔到有人真系冷血至此，心寒！”

下载“香港01”App ，即睇城中热话：https://hk01.app.link/qIZYuEC5LO

该名雇主在讨论区“亲子王国”发文，表示家中外佣突然要求放假，“事先一个月冇通知我，话自己联络唔到印尼既亲人，惊佢哋有事想返去揾佢哋”。楼主说自己和丈夫正在旅行，“屋企啲宠物要佢（外佣）照顾，佢走咗边个照顾佢哋”。楼主又自称“已经好人”答应外佣，当自己1月回香港就让她放假。

但外佣仍打长途哭着请楼主让她立即放假，惟楼主竟毫不同情，更指“你屋企人有机会离开关我什么事！你亲人真系走咗到时搞白事自然畀你放啦，而家又唔系死咗只系失踪，想偷懒就揾借口理由，平时已经够懒。”

帖子随即引来网民炮轰，“咁凉薄既说话你都讲得出口”、“有时张（将）心比己，如果你发生咁嘅事你老板咁对你，你又会点呢”、“呢啲突发事有得事前一个月通知既咩？”、“个个都有亲人架啦，做人做事都唔好去到咁尽啦”。有网民则建议她安排宠物去宠物酒店，或安排其他人帮手照顾。

楼主不忿网民围攻，出言反驳“我只跟法例要求有咩错，个个都要攻击我”，又指即使她回家乡亦无法帮忙，“寻找家人揾军人去做，点解唔可以留系（喺）屋企等消息。”楼主其后删去帖子，又称已付钱找宠物酒店，不想影响旅行的心情，但楼主之后又发帖问“炒工人有方法唔使畀一个月吗？”，并在帖文声称外佣行为恶劣，事事都不合其心意，然而帖文一出随即被网民追击，反指楼主是无良雇主，“即炒人仲想钱都悭”。