【世界杯】杰宁公主：女球迷癫过男球迷　有女生为参加睇波团辞工

长达一个月的世界杯开锣了，今次“战区”在俄罗斯，部份赛事安排在凌晨2时才开波，挨夜睇波的球迷恐怕难免变“熊猫”。但深夜睇波并非男士专利，超级女球迷同样大有人在。现年32岁，但睇波年资已有20年的前体育主持潘杰宁（暱称“杰宁公主”、Kelena）表示，身边不乏喜欢睇波的女生，一旦爱上睇波，甚至比男生更疯狂：“为咗睇波连份工都唔要，我觉得呢件事癫架！”通宵睇波摧残容颜？杰宁表示，一旦睇波成为生活的一部分，女球迷自有一套保养方法。

本身读女校的杰宁指，中学时代身边已有3、4个朋友睇波，故一直认为足球爱好者不乏女性，但出来社会工作后，很多人听到她会睇波都感到惊讶。她指身边都有很多女球迷，但对足球萌生兴趣则绝少与男朋友有关，多数是偶然接触到足球比赛后，因当中炽热气氛或爱上某个球员而开始留意，“一嚟系睇靓仔，二嚟系畀佢嘅热血所吸引，男仔好认真𠮶种感觉”。

杰宁曾经见识过最疯狂的女球迷，她指早年带睇波团到欧洲球场朝圣，当时有位女球迷发讯息给她，指很想参加睇波团，但请不到假，预计难以成行。谁料到开茶会那天，杰宁却见到对方出席，一问之下，原来她为睇波而辞工，“为咗睇波连份工都唔要，我觉得呢件事癫㗎”。

【世界杯】香港01全力策动　区区有波睇！　免费睇波兼有礼物包

地球有时差，要做忠实球迷，“挨得夜”是必要条件，潘杰宁坦言岁月催人，但又认为“睇唔睇波都会残，自己冇谂咁多”，始终睇波是其生活的一部分。她指自己现为自由身，反而有优胜之处，因工作时间没规定在日间，即使深夜看完球赛都未必需要早起，成为其优势。

但有全职工作的球迷则较辛苦，杰宁表示听过有人会预先请假，或计准睡觉时间，“瞓几多个钟先，几多点钟就要起身，等个人warm up（热身）”，亦有女生会趁半场时间敷面膜。不过，她也坦然讲出事实，“接受咗会有黑眼圈，冇办法，做球迷就一定会有”。

场地提供：观塘兴业街BALL ROOM