寿司郎男童摸输送带寿司碟盖！遭家长制止他这样说　网民即吁体谅

早前有男童于沙田新城市广场的寿司郎分店用餐时，拿免费姜片夹放在口中舔舐，引来全城关注。事隔数天后，类似事件再现！有寿司郎食客于社交平台上传片段，显示有男童不断将手放上回转输送带上，又触摸寿司碟盖，其间同行家长制止其举动，但男童激动指“我要摆好只碟呀”，楼主看不过眼，于是拍片公审到网上。

有网民批评男童家长未有及时加以管教，同时担忧男童举动会“播毒”，“话无问题𠮶啲人应该试下咩叫食物中毒”。不过，许多留言就关注该男童疑有特别情况，“呢个小朋友应该唔系有心，似有自闭症”，劝吁他人应多加体谅，若有不满可向其父母或店内职员反映，不应贸然拍片公审。

寿司郎男童狂摸输送带寿司碟盖

该食客在threads帐号上传约18秒片段，显示他当时正于寿司郎用餐，前方1名穿着校服的男童坐在座位上目视寿司输送带，之后多次用手触摸回转带上的寿司碟盖，同行家长曾出言制止，不过男童语气激动，貌似回复：“我要摆好只碟呀。”然后家长未有多言，让他继续触摸其他寿司碟盖，以及放有寿司示意图的空碟。楼主不满对方有欠卫生举动，遂公审到网上。

网民：整污糟人哋嘅嘢又唔好

片段曝光后，许多网民都批评男童家长失职，“又整多单”、“一阵小朋友自己整到又唔好，整污糟人哋嘅嘢又唔好”、“呢啲摸到烂手先会惊一次”、“一直觉得寿司郎应该cut咗条回转带，想食咩就嗌，送嚟最好”、“我唔会畀细路坐近输送带，等佢大个唔会乱摸先畀佢坐”。

忧男童举动会“播毒”

有人则联想起近日有医生因为感染“产志贺毒素大肠杆菌”而离世事件，忧虑男童片中举动会“播毒”，“厨房𠮶啲洗晒手、戴晒手套，仲要盖埋个盖上条运输带，个小朋友咁摸，人哋见到都唔想食啦”、“你以为个细路系掂紧自己屋企碟𩠌呀？佢系当紧食物输送带系玩具”、“点解唔会假设佢无洗手，摸完口水又摸个碟，然后你食到佢啲口水”。

男童疑有特殊情况　网民劝体谅

惟有人觉得部份网民杞人忧天，“有咩问题？佢又无掂到嚿寿司，你咁惊嘅根本就唔应该食寿司”、“掂下个碟边都传染病， 咪X出街啦”，又猜测片中男童或许存在特别情况，“个细路系咪有强迫症？好似每碟嘢都要摆正个位置咁”、“呢个小朋友应该唔系有心，似有自闭症，可以同父母温馨提示，如果真系特殊宝宝就尽量体谅”，更认为不应拍片公审，“直接同职员讲，po上嚟我哋又做唔到啲乜”。

（threads＠raretraderhenry）