吓死！清晨驾车惊见“无头者”行马路　司机以为撞鬼　网民曝真相

咁猛？有司机于驾驶群组上传“车cam（行车纪录）”片段，显示他驶经赤𫚭角一路段时，看到有“无头者”行走于马路上，由于对方步伐蹒跚，加上微弱的街灯照射下显得更为渗人，他担心自己看见“污糟嘢”，于是向网民寻求安慰，“唔该话我知，你哋都见到！”。有网民觉得恐怖，“咩嚟㗎，无头嘅”，不过有人留意片中人其实“有脚有阴影”，“应该系寒背（驼背）佬”。

其后有附近工作的网民就表示“见惯见熟”，“佢周不时都喺国泰城外围行嚟行去”、“有次揸车经过见佢俾警车闪灯问候过”，同时道出令人心酸真相，“我日日5点零钟行返工都见到佢，佢系身体有问题，所以先会咁行路”。

驾车惊见“无头者”行出马路

该司机在facebook群组“车cam L（香港群组）”上传1条长17秒的剪辑影片，显示他于本周四（23日）清晨约5时30分，驶经赤𫚭角Cathay Pacific Sports Club对出的东岸路。影片所见，他当时跟随前方的士左转。不过向前行驶数秒后，马路旁边突然出现1个黑色身影，对方步伐蹒跚往片主方向行走，街灯微弱光线照射下，未能清楚看见对方“人头”，气氛更为恐怖。片主担心自己见到“污糟嘢”，于是到网上求安慰，“唔该话我知，你哋都见到！”。

网民惊呼恐怖：咩嚟㗎，无头嘅

帖文惹来网民热烈讨论，有人看过片段后惊呼恐怖，“咩嚟㗎，无头嘅”、“弯低咗身咋”、“远睇以为得对脚”、“个头点做到90度”。另有人仔细留意，指出“有脚有阴影，唔系阿飘㖞”、“应该系寒背（驼背）佬”、“饮醉咗，乌低咗个头咋”、“白粉道友上咗电后，好多都会咁行”、“上返行人路啦！”。

有司机较早前途经上址　同样遇到片中人

有司机早前途经上址，亦遇到片中人，故上传其车cam影片，称“师兄我同你见到同一样嘢，但唔同日子”。有人鬼马地制造恐慌，笑称“不同日子和时间，但几乎同一位置，更加耐人寻味”、“应该冤魂不散”、“行埋去摸吓佢有无下巴”、“下次停低问下有咩可以帮到你”。

知情者曝心酸内情

不过有于附近工作的网民就表示“见惯见熟”，“我揸巴士，成日见佢行出马路边”、“佢周不时都喺国泰城外围行嚟行去”、“有次揸车经过见佢俾警车闪灯问候过”、“我机场返夜放四五点，又系呢个弯位见到佢，我都吓一吓，好在我同事都话见到”、“我日日5点零钟行返工都见到佢，佢系身体有问题，所以先会咁行路”、“其实咁样寒背都好惨，唔好怪佢啦”。

（facebook“车cam L（香港群组）”）