家人公屋绿表抽中居屋　全家不知兄长有私楼　被房署抽查担心1事

公屋住户可经绿表申请抽居居置业，最近1名网民在社交平台的公屋群组发文，表示母亲以公屋绿表申请居屋，被抽中后递交申请信，不料后来收到信件表示取消其申请，原因是家中的哥哥名下有私楼，却未从公屋单位中除名删除户籍。楼主指全家都不知道哥哥在外置业，母亲到房署查询，“佢哋话可能会告我阿哥”，导致楼主一家目前感到徬徨，并向其他网民求教，“请问而家件事会演变成点样？”。

网民提出大量疑问，质疑楼主家庭过去如何面对资产审查、兄长是否长期不在公屋内居住、为何兄长不知道自己未被除名，认为要解释清楚来龙去脉。楼主称兄长在小时候申请居屋时已在户籍内，“阿妈60、70岁冇谂过件事咁严重”、“公屋冇咗都唔系最大问题，我阿妈而家最惊害到阿哥”，最怕事件连累到哥哥。有网民指朋友面对类似情况，房署收回公屋之余，亦可能追讨多年的双倍租金差额。

全家不知哥哥名下有私楼物业

楼主在facebook群组发文，表示其母亲早前以公屋绿表申请居屋，“抽中咗，递交申请信之后，但前几日收到信话取消我哋嘅申请”。楼主指房署信件中，“话我阿哥喺出边有私楼（阿哥个名仲系公屋户口），我哋全家唔知”。楼主的母亲其后到房署查询，对方甚至称有机会控告哥哥。

获告知哥哥或被告

楼主在文中向其他网民发问，“请问而家件事会演变成点样？”，又指母亲原本都打算放弃现有公屋单位，并借此换居屋“上车”，直言“公屋冇咗都唔系最大问题，我阿妈而家最惊害到阿哥”。

网民：公屋都冇埋

帖文一出立即引来不少网民讨论，大部份人均认为即使家人不知道哥哥名下有物业，但假如哥哥早已搬家在外居住，也应一早将其在公屋单位中除名，否则亦属隐瞒不报，“连本身间公屋都会冇埋”、“如果你哥未除名，又有物业，其实会唔会过咗个（限）额？连公屋都冇埋”、“系99.9%收返间公屋，有私楼已经系死症，仲要最近一年先报完资产”、“有户口，不能有物业在港又去申请，自投罗网”、“解释唔到有名但唔喺单位常住的话户主都一身蚁”、“阿哥系咪好憎你屋企啊 ？准备定一家几口搬晒去你阿哥间私楼一齐住”、“好奇咁你阿哥仲有无住紧公屋？呢排咁严，真系有机会收楼”。

兄长从小在公屋户籍内　工作后搬走

楼主指，小时候家人申请公屋时就一直有兄长的名字，他长大工作后搬走，“唔知佢买咗，知嘅话就唔会唔甩名去抽居屋啦”、“ 阿妈60、70岁冇谂过件事咁严重⋯计过数可以负担到居屋就谂住放返间公屋出嚟俾有需要嘅人，就走咗去抽居屋啦”。网民认为“其实你哋都虚报好多嘢，唔单止资产，仲要户籍上嘅人唔系经常住系单位到，点解释都冇用”、“可唔可以解释阿哥唔知你妈冇除名”。

另外，有人就建议楼主一家解释清楚来龙去脉，“我谂要有个合理说法……如果说法系一早填咗除名文件，长者系户主年纪大唔记得交可以试下抗辩先，你上面讲全家唔知佢有屋，咁申请居屋有冇填佢名先？因为你话已经抽中同递交申请，咁即系有仔细填过全屋人入息证明等等，如果系嘅话应该有问过你阿哥？如果唔系你点样乱咁帮佢填到？你个说法能否经过推敲先？”。