上水站母子被指偷面包│男怒吼：啱啱买㗎！　送货员：睇天眼啰

上水港铁站发生母子被怀疑偷面包，当场跟送货员起争执的事件，有市民拍下事发过程在网上发布，影片随即被疯传。影片可见戴鸭咀帽男子与母亲，跟另1名饼店的送货员在口角，戴帽男被送货员怀疑他偷面包，他即反驳“我买咗”。当送货员要求他不用如此激动“你冷静啲先”，戴帽男更愤怒地表示“点冷静…我俾人屈偷嘢㖞！”，又要求送货员道歉。惟送货员说“对不起”后双方仍继续争执，更各自称要看天眼寻真相。

帖文引来不少网民热议，“有CCTV偷嘢好难走甩”、“畀人屈偷嘢又真系好㷫㗎㖞”、“直接报警啦！讲咁多做咩啊”。

母子被指偷面包争执影片疯传

网上疯传事发影片，事发于2024年12月30日，现场为上水港铁站，戴鸭咀帽男子与母亲跟1名饼店送货员在对峙，戴帽男向身边母亲称“你返屋企先，呢个我买咗，佢话真系㗎？”，男子再转向送货员大声地喊：“系咪呀？系咪呀？我有人证！”

戴鸭咀帽男子：“我点冷静？畀人屈偷嘢㖞！”

送货员劝戴帽男“你冷静啲先”，戴帽男则怒斥：“点冷静啊，依家，你咁样讲嘢法！”送货员反问：“依家边个唔冷静。”戴帽男随即再爆发：“我点冷静？我畀人屈偷嘢㖞！”

送货员见对方情绪激动，企图安抚问道“咁你想点？”。男子即要求对方道歉，“你讲‘对唔住’啰”。送货员认低威称，“对唔住啰，咁你畀我查得唔得？”。

送货员：“睇天眼啰，唔驶讲咁多嘢。”

其后男子将从地上拾起的一袋面包，用力掟回货盘上，又从母亲的手堆车拿出另1袋同款面包：“我攞返我袋面包，我哋啱啱买完㗎！”。送货员再表示：“周围都系天眼，睇天眼啰，唔驶讲咁多嘢。”男子回应：“好呀，睇吓，你有无讲嘢。”。2人似是在等职员到来，以作后续处理。而影片转向另一边，见到有2大盘面包等食品被放在港铁的出入口行人天桥上，影片即到此结束。

网民：报警啦

影片在不同社交网上群组疯传，引来不少网民热议，有人对戴帽男的反应表示理解，“畀人屈偷嘢又真系好㷫㗎㖞”、“有CCTV偷嘢好难走甩”。

有网民认为送货员不对，“又冇证冇据屈人偷嘢，呢啲人正X街！确冇品”、“啲蛋糕面包食落肚的食物放在店外，还有人流这么密。啲食物卫生及安全有冇保障呀？”。不过亦有人认为男子也有可疑，“照计呢，正常买嘢，真系好难会畀人屈嘅”、“睇单咪得啰”、“接报警喇，讲咁多做咩啊”。有人推测可能是有些举动引起误会，“似系对母子买完见到新鲜运到，想换车上𠮶啲呀，但个送货又唔知佢换，以为系偷？”。