港女搭港铁不慎2度踩男子鞋踭！致歉仍被这样报复　贴相公审惹议

搭乘公共交通工具时人多挤迫，有时难免会有碰撞，切记要相互忍让！有港女日前乘搭港铁时，由于赶时间，不慎2度踩到前方男子的鞋踭，尽管她多次点头表示抱歉，但男子疑“唔收货”，趁楼主往前离开时，突然从后撞向她身上。楼主形容“真系助跑埋嚟撞我膊头”，她更险些被撞至跌倒，故拍下对方照片，然后在网上发帖公审该男子，“佢系咪以为我专登踩佢，清醒啲bro，无咁多人关注你”。

不少网民都批评男子过份小器，“嬲还嬲，但小器到特登助跑嚟撞人，真系好无品”、“唔好出街搭地铁啦，搭的士啱佢”、“男人小器上嚟仲恐怖过女人”。惟有人认为楼主有错在先，亦怪不得别人，“睇相都唔似逼到可以踩到人，仲要2次”、“你可以连续踩到人地2下，都应该检讨吓自己识唔识行路”。

搭港铁赶时间　港女不慎2度踩男子鞋踭

“真系咩人都有…”，该港女在threads上传1张于港铁范围内拍摄的照顾，显示她当时准备搭乘扶手电梯，但她因赶时间，不慎2度踩到相中男生的鞋踭。她形容，当男生转过头望向她时，她有不断道歉称“唔好意思”，但对方“粒声唔出啤住我”，由于自知理亏，她只能不断点头和继续致歉，然后往前离开。

屡道歉仍被从后推撞　质疑故意报复

怎料楼主行前几步后，男子突然从后撞向她身上，楼主形容“真系助跑埋嚟撞我膊头”，她更险些被对方撞至跌倒，苦言“争啲X街”；而男子之后直接离开，“一声Sorry都无”。楼主不满对方为人小器，“内心仲要劲黑暗”，估计对方以为自己故意踩他鞋踭，故称“佢系咪以为我专登踩佢，清醒啲bro，无咁多人关注你”。

网民斥男子举动小器

许多网民批评该男子小器，“踩到人系唔好，但系你都讲（咗）唔好意思，但追住你撞完全系有病”、“嬲还嬲，但小器到特登助跑嚟撞人，真系好无品”、“唔好出街搭地铁啦，搭的士啱佢”、“妳系女仔俾个男人特登撞埋嚟，应该告佢非礼”。有人就表示“男人小器上嚟仲恐怖过女人”，“有次在地铁唔小心踢到前面个男人个细箧，佢拎起个细箧撞返我”、“我试过搭扶手电梯撞到阿叔，讲咗3次Sorry唔好意思，佢追住我嚟闹追到入超市，啲街坊都帮口话人哋讲咗对唔住仲想点，最后途人仲报埋警”。

楼主被质疑为何2次踩到别人

不过有留言觉得楼主都要检讨自身，短时间内踩到别人2次，亦怪不得他人生气，“点行路行到要喺后面踩人2次”、“睇相都唔似逼到可以踩到人，仲要2次”、“你都应该检讨吓自己识唔识行路”、“你唔小心踩人2次就得，人哋都可能系好逼好赶时间咁唔小心撞到你，你有无望到佢助跑先，无就唔好诬蔑人”。

楼主之后在留言区补充，“唔系话讲咗唔好意思就大晒”，她理解是自己先踩到对方，对方“唔妥我好正常”，甚或可以要求她赔钱，但就不满对方故意撞向其身上。她又描述，“佢撞完我咪减速跟住急急脚走人，同埋有几大力我知，明明隔篱有位行系都要撞埋嚟？”，因此相信对方是存心报复去撞她。

（threads＠wjfhhrhka）