法拉利泊路边！内地大妈挨车头冚打卡　网民急寻车主：车头就花晒

跑车魅力没法挡？有网民于旺角街头发现停泊1辆法拉利跑车，周遭却有群内地人围着跑车打卡拍照，有人更挨靠车头冚位置，故发文质疑对方“前世未见过跑车”，亦有人呼吁车主尽快返回取车，“法拉利车主再唔揸返你架车，车头应该花晒㗎啦”。

有网民就批评为拍照倚靠跑车行为离谱，“麻烦畀啲距离，成个人挨埋落去又真系PK咗啲”、“即刻叫个车主攞条车匙挞车，吓走晒班人”。不过有人认出涉事地点附近疑设有传销公司，估计跑车只是拍照道具，“影啲成功人士相”。

挨法拉利车头冚拍照打卡

该网民在threads帐号上传影片，称“前世未见过跑车”。影片所示，有1辆红色的法拉利跑车停泊于旺角亚皆老街路边，一群操普通话的中年人士正围着跑车打卡拍照。当中有1名穿着格仔外套的女子于车旁自拍，另一名身穿白色西装外套女子则挨靠车头冚位置拍照，他人从旁帮忙掌镜，甚至指导拍照姿势“转过来”；众人周遭见有摆放多袋物品及行李箧，未知是否访港旅客。

网民批行为无礼：麻烦畀啲距离

不少网民都批评挨近跑车拍照行为无礼，“影咪影，上车头就过分啦！”、“麻烦畀啲距离，成个人挨埋落去又真系XX咗啲”、“即刻叫个车主攞条车匙挞车，吓走晒班人”、“I know that feel，有次摆尖沙咀（内地游客）即刻坐埋我车头，抱埋个BB上车顶”。惟有人觉得片中人士对跑车好奇属人之常情，“香港地方细，就算系林宝坚尼都经常可以见到，何况系法拉利，所以香港人就觉得好平常。大陆就唔同，虽然名车都好多，由于地方大都唔系咁轻易见到”。

影片及后被转载到facebook群组，有网民呼吁车主尽快返回上址取车，“法拉利车主再唔揸返你架车，车头应该花晒㗎啦”，亦引来他人留言，“红色的跑车像是带着神秘”、“就算泊架高达喺度，我最多经过影张相，我无咁厚面皮企埋过去影，好核突”。

跑车质疑和传销公司有关

不过有网民认出涉事地点附近疑设有传销公司，质疑跑车可能只是道具，“呢个位好似有间传销，唔知关唔关事”、“根本系影相道具，影啲成功人士相”、“传销公司充大头鬼伎俩一定要广传”、“好多年啦！呢班人都系喺度揾水鱼，我系街坊，夜晚见到佢哋都行快两步，扰人扰物”。

（facebook/threads）