港铁争输位发难　揹名牌袋女怒骂老妇影片疯传：你唔啱　后续绝了

港铁座位有限，争位、让座争议时有发生。本港网络近日疯传1段影片，见到港铁屯马线车厢内1名揹着疑似名牌CHANEL手袋的年轻女子，疑因“争输位”与“获胜”老妇争执，怒斥“你（长者）咁样做法系唔啱！”、“霸位都唔系咁样霸啦！”；老妇反驳“霸乜嘢啊？你到我又到之嘛”，港女重申“你咁样系唔啱，你又唔承认”，老妇则扬言要报警。双方大声争吵，其他乘客纷纷劝止，最终年轻女与老妇隔着玻璃对峙，车厢回复沉静。

影片引来网民热议，有人揶揄“争凳仔输咗发烂渣”、“这里（靓女）真无品”；也有人称“就算老人家抢位，咪让下啰，又唔系唔企得，驶乜咁劳气”、“为咗咁小事同老人家嘈到咁，最后获得啲咩？”。另有网民支持年轻女，“呢位女士，做得好，肯企出来，同这些恃老卖老长者对峙”、“任何年纪入车厢就要排队”。

长发女斥老妇争位霸位：你咁样做唔啱！

网上流传影片长约3分钟，见到港铁屯马线车厢内，1名揹着疑似名牌CHANEL手袋的长发女子正大动作、激动地责骂坐在座位的老妇，指摘老妇抢去其座位。老妇旁边的老伯向长发女表示“畀你坐啦，做咩啫”，长发女即指“唔系坐嘅问题，佢咁样就系唔啱！”。

老妇闻言火起，反驳“咩叫做唔啱啊？你行到嚟我又系行到嚟”，长发女怒目回应“我觉得你咁样做法系唔啱！”。老妇回击“乜嘢叫做唔啱？你啱啊？”。长发女指“我梗系啱啦！”，老伯表示“大家一齐到㗎”，长发女即冲前怒说“唔系！我嚟到呢度！佢系让咗个位畀你（老伯）！两夫妻系咪啊？唔啱啰！咁样做就系唔啱，霸位都唔系咁样霸啦，系唔系啊！”。老妇反驳“霸乜嘢啊？你到我又到之嘛！你（老伯）使乜同佢讲啊，嘥气啊。佢到我又到，咩我唔啱啊？”。

乘客纷劝止　老妇：报警啰！

这时有乘客劝止，“靓女，你都让下80几岁嘅人啦”、“我畀个位你坐啦，唔好嘈啦”，但长发女强调“我唔需要坐！但系佢咁样唔啱！我已经行到𠮶度喇，佢霸住个位，咁样都唔啱啰！”。老妇重申“你行到嚟我都系行到嚟！打横好打掂又好啦，总言之你到我又到”，老伯亦指骂：“你啲后生女真系！”。

待列车驶到朗屏站，老伯旁边有乘客空出座位，惟长发女未有坐下，反而走到近车门位置与老妇隔着玻璃对峙。老妇不满说“你愈恶我就愈唔起身啊！”，长发女称“我唔需要你起身，我系因为你咁样系唔啱，你又唔承认”。影片最后老妇表示“报警啰”，2人“面左左”但未有再争吵，车厢回复沉静。

掀两派网民争议

影片引来网民热议，有人批评长发女行为不当，“争櫈仔输咗发烂渣”、“为争位而吵个不停。企下又唔会死，坐多下又可以点？真系好X冇脑”、“这里（靓女）真无品，不知所谓，嘈嘈闭，笑死人。衰格”、“就算老人家抢位，咪让下啰，你又唔系唔企得，第日你都会老，都会需要坐，驶乜咁劳气”、“为咗个座位咁小事同老人家嘈到咁，最后获得啲咩？”。

也有人支持长发女做法，“呢位女士，做得好，肯企出来，同这些恃老卖老长者对峙，好多人都不敢发声，忍！”、“任何年纪入车厢就要排队，因为刻意抢位先会发生事，呢点从来无得争辩，有需要咪开声”。另有网民认为应互谅互让，“又系呢啲公车让座纷争，其实好小事，只不过大家睇对方态度唔友善”。

翻查资料，影片早于2023年已流传，至近日被“翻炒”再惹热议。