女子疑顾追巴士冲马路险挨撞！司机急煞吓到爆粗：追车都要睇车㗎

就算再赶时间，都不应冲出马路！有相信是巴士司机的网民日前于驾驶群组上传长26秒的车cam片，显示他当时正驾驶巴士驶离总站，驶至一过路处时，有女子突然冲出马路，以极快速脚步冲往另一巴士方向，幸好他及时煞停。他事后贴出片段，提醒市民“生命无Take 2”，又奉劝“追车还追车，都要睇车㗎”。

有网民批评女子罔顾自身安全和危害路上驾驶者，“最X憎啲乱X咁冲马路嘅人！”、“累X死司机”，但有留言指楼主车速属偏快，“你自己小心啲揸慢啲好过啦，你撞埋去都系你错㗎咋”。

该巴士司机在facebook群组“车cam L（香港群组）”上传影片，呼吁网民“追车还追车，都要睇车㗎，有咩仲（重）要得过条命仔，生命无Take 2，你仲要打斜跑埋嚟，车速快小小就系咁先”。

女子疑追巴士冲出马路险被撞

片中所示，现场为彩虹巴士总站，楼主当时驾驶巴士准备驶离总站，驶近过路处时突然有名女子跑出马路，并冲往另一巴士方向，猜测她正“追巴士”。楼主即时响咹，随后传出女士尖叫声，幸好他及时煞停，但他不禁被吓到爆粗，怒斥“X你老X，真系黐线”，随后便往回旋处方向驶走。

片段曝光后，有网民批评女子冲出马路行为累己累人，“吓死人”、“巴士站真系十面埋伏”、“最X憎啲乱X咁冲马路嘅人！”、“累X死司机”、“出事咪话司机唔留意环境”、“我都试过，快多1秒都车死个人，呢啲系无得避”、“成日见啲人用生命去追车，赶唔到咪坐下架啰，又唔系尾班车”。

不过亦有人质疑片主仍在巴士总站范围内，车速稍微偏快，“慢镜都觉得你揸得快呀！”、“你自己小心啲揸慢啲好过啦，你撞埋去都系你错㗎咋，唔好赖人”。

（facebook“车cam L（香港群组）”）